Cada alumno poderá acollerse a dúas convocatorias por curso. Só
se realizará avaliación continua para a convocatoria de decembro. Acollerse a
avaliación continua implicará consumir a convocatoria oficial de decembro. A falta de asistencia non xustificada a máis do 10% das
horas presenciais (é dicir, a máis de 6 horas presenciais) suporá un suspenso
automático. O plaxio suporá un suspenso automático, e ademais posibles
medidas legais contra o alumno. O alumnado terá que superar todas as probas e tarefas para acadar o aprobado. As probas escritas sobre os conceptos teóricos e modelos e tipos textuais terán lugar a finais de outubro de 2014. As probas prácticas de tradución directa e inversa, así como a valoración dos estudos de caso e análise de situacións desenvolveranse ao longo do curso. Gardaranse os resultados das probas superadas ata a convocatoria de xullo. Para a avaliación das tarefas de tradución inversa o alumnado terá que realizar 3
encomendas. As encomendas encargaranse de
maneira regular e o alumnado disporá de ata 7 días naturais para
entregar as traducións. A nota calcularase facendo a media entre as notas das 2 encomendas con mellor nota.
As persoas que non optasen pola avaliación continua ou que perdesen a
opción de seguir coa avaliación continua deberán presentarse en persoa o
día da sesión do 2 de decembro de 2014 para recibiren as instrucións
correspondentes ao exame final de decembro. Este consistirá en dúas
encomendas de tradución (directa e inversa) con preguntas sobre procedementos e estratexias, así como nun exame de resposta longa sobre os conceptos teóricos impartidos nas clases. O
prazo e a modalidade de entrega das encomendas comunicaranse o día 8 de
decembro. A avaliación final será o o 12 de xaneiro de 2015, ás 16:00.
Exame de xullo: mesmo procedemento que exame final de decembro, nas datas que sinale o centro. |