Guia docente 2014_15
Facultade de Filoloxía e Tradución
Grao en Tradución e Interpretación
 Materias
  Tradución idioma 2, III: Alemán-Galego
   Avaliación
  Descrición Cualificación
Traballos tutelados

Elaboraçom em equipa e exposiçom pública de um trabalho consistente na traduçom comentada de um artigo de divulgaçom técnico-científica.
30
Estudo de casos/análises de situacións

Realizaçom de modo autónomo e individual de duas encomendas de traduçom, as quais visam reproduzir as condiçons da prática profissional.
70
 
Outros comentarios sobre a Avaliación

A presente disciplina pode
cursar-se, na primeira convocaçom anual, em regime de avaliaçom
contínua
(em que se
valorizará fundamentalmente a aquisiçom de competência tradutiva e a
participaçom regular e ativa nas aulas)
ou de avaliaçom final (exame único). No entanto, na convocaçom de julho
só é possível o regime de avaliaçom final (exame oficial).

Na primeira convocaçom anual, entende-se que um aluno opta polo regime
de avaliaçom contínua (o mais recomendável nesta disciplina!) quando realiza
algumha das atividades da avaliaçom contínua (encomendas de traduçom individuais,
trabalho em equipa). Para superar a avaliaçom contínua, o aluno deverá
atingir, no mínimo, umha freqüência de aulas de c. 80% e obter o aprovado na
média aritmética ponderada das classificaçons nas duas encomendas de traduçom
individuais (cada umha, 35% da classificaçom global) e no trabalho em equipa
(30%); nom obstante,
no caso de a média aritmética das classificaçons nas duas encomendas de
traduçom individuais ser inferior a 4,9 pontos, a classificaçom global será, no
máximo, de 4,9 pontos. Os alunos que nom superarem a avaliaçom contínua
mediante as atividades referidas deverám realizar o exame oficial da convocaçom de julho (de cuja parte
teórica ficarám eximidos no caso de terem apresentado, no correspondente ano letivo,
um trabalho em equipa satisfatório, com classificaçom de 5,0 pontos ou superior) ou
acolherem-se aos regimes de avaliaçom de sucessivas convocaçons. (A primeira
encomenda de traduçom individual será lançada durante a primeira semana letiva
de abril, a segunda encomenda de traduçom individual será lançada no 30 de abril
[com entrega da traduçom a 7 de maio] e o trabalho em equipa será exposto e
entregado a 19 de maio).

O exame oficial da disciplina (convocaçons de primavera [30 de abril, 11-13 h, sala C4B
da FFT] e julho [data, hora e lugar estabelecidos polo Decanato]) consta de
umha parte prática, para cuja realizaçom o aluno deverá comparecer provido de um computador portátil com ligaçom à internet, que consiste na traduçom para galego de um texto redigido em alemám destinado à socializaçom do conhecimento técnico-científico, e —se o aluno nom estiver isento por ter apresentado no mesmo ano trabalho em equipa satisfatório (v. supra)— de umha parte teórica a redigir em galego (35% da classificaçom numha
média aritmética ponderada).

Universidade de Vigo            | Reitoría | Campus Universitario | C.P. 36.310 Vigo (Pontevedra) | España | Tlf: +34 986 812 000