Guia docente 2012_13 Facultad de Filología y Traducción

Avaliación

	Descrición	Cualificación
Sesión maxistral	A avaliación das sesións maxistrais permitirá coñecer a competencia acadada polo alumnado no referente aos conceptos teóricos da materia. Poderase avaliar o alumnado, ben mediante un exame final que se entregará coa encomenda final (para os non asistentes), ben mediante a encomenda de resumos ou crítica de artigos que se anunciarán ao principio e/ou final de cada actividade docente ou exercicio para resolver problemas de tradución.	10
Resolución de problemas e/ou exercicios	Neste apartado avaliaranse todo tipo de exercicios relacionados coa competencia lingüística e tradutora. Poderán ser exercicios que traten dificultades de tradución, análises de tradución... Terase en conta a calidade lingüística dos textos producidos polo alumnado.	30
Presentacións/exposicións	O alumnado deberá presentar oralmente, e de xeito individual, o traballo encomendado a comezos de curso. Serán traballos de investigación de campo e lecturas para afondar en contidos teóricos.	15
Probas prácticas, de execución de tarefas reais e/ou simuladas.	Neste apartado, entregaránselle ao alumnado textos para seren traducidos que tenten simular situacións reais de traballo.	35
Probas de resposta curta	O alumnado deberá ler un libro obrigatorio (cf. Bibliografía) que será avaliado mediante unha proba oral.	10

Outros comentarios sobre a Avaliación
O alumnado deberá informar ao docente nas dúas primeiras semanas de clase a súa elección de acollerse á avaliación continua ou non. En todo caso, para poder acollerse a ela, debe asistir polo menos ao 80% das horas presenciais. O alumnado que se acolla á avaliación continua e obteña unha cualificación de suspenso deberá presentarse á convocatoria extraordinaria de xullo nas condicións que se especifican a continuación: 1. Proba oral en francés para amosar os seus coñecementos da lingua de partida, sobre teoría, libro e lecturas de artigos do curso: 20% da nota 2. Tradución con tempo limitado (1:30 h) dunha extensión aproximada de 600 palabras: 40% da nota. Pódese usar documentación en papel e telemática. 3. Encomenda de tradución con comentario que recibirá o alumnado a última semana de aulas ou o penúltimo día de clase e que deberá entregar segundo as condicións especificadas na encomenda nun máximo de 7 días naturais: 40% da nota Será preciso aprobar cada unha das partes para poder facer a media. O plaxio será motivo de suspenso CONVOCATORIA ORDINARIA DE XUÑO E CONVOCATORIA EXTRAORDINARIA DE XULLO O alumnado que non se acolla á avaliación continua presentarase: - na última semana ou penúltimo día de aulas do cuadrimestre ou ben -no mes de xullo e/ou decembro (na data oficial establecida pola facultade) a unha proba que consistirá en: 1. Proba oral en francés con preguntas teóricas sobre a teoría, as lecturas e artigos do curso: 20% da nota 2. Tradución con tempo limitado (1:30 h) aproximadamente 600 palabras. Pódese usar material en papel e telemático. 40% da nota 3. Encomenda de tradución con comentario que recibirá o alumnado o día do exame oficial e que deberá entregar segundo as condicións especificadas na encomenda nun máximo de 7 días naturais: 40% da nota. O plaxio será penalizado coa cualificación de suspenso.