Para ter dereito á avaliación continua, o alumnado deberá participar nas actividades previstas na materia e asistir ó 80% das sesións presenciais de clase.

Con respecto á corrección dos exames e traballos, cómpre sinalar que se lle prestará unha especial atención ó dominio das normas ortográficas e morfolóxicas da lingua galega. Dous erros ortotipográficos ou morfosintácticos invalidarán calquera exame.

Nos exames permitirase o uso de dicionarios, ordenador con conexión a internet e outros materiais.

No caso do alumnado que non se acolla á avaliación continua, deberá comunicalo por escrito o primeiro mes de clase e deberá realizar un único exame o 25 de abril ás 13.00h que será o 100% da nota final. O exame consistirá na realización dunha tradución dun texto dunhas 350 palabras e un comentario de dificultades. Os alumnos de avaliación única terán tamén unha pregunta sobre a novela de lectura obrigatoria. Aplicarase o mesmo ó exame de xullo.

Na convocatoria de xullo todo o alumnado deberá realizar un único exame da data oficial fixada polo Centro. A cualificación da convocatoria de xullo será, para todo o alumnado, a do exame, que consistirá na realización dunha tradución dun texto dunhas 350 palabras e un comentario das dificultades.