Guia docente 2013_14 Facultade de Filoloxía e Tradución

Avaliación

	Descrición	Cualificación
Sesión maxistral	[réxime de avaliación continua] O alumnado responderá ó enunciado dunha proba relativa ós coñecementos impartidos nas sesións teóricas ("Habiletés" e "Repères"). A resposta consistirá nun desenvolvemento crítico do que o profesor explicará as pautas.	10
Resolución de problemas e/ou exercicios de forma autónoma	[réxime de avaliación continua] A avaliación terá en conta a capacidade de progresión do alumnado. Polo tanto a nota calcularase a partir das 3 mellores de (como mínimo) 5 encargas entregadas ó longo do semestre, unha por ámbito de "Expertise".	70
Resolución de problemas e/ou exercicios	[réxime de avaliación continua] Dúas probas de tradución en aula, con control de tempo, que servirán para avaliar capacidades concretas (por exemplo a reactividade) ou respostas diante de dificultades concretas (por exemplo a tradución dos nomes propios). Cada unha das dúas probas contará un 10% da nota final da avaliación continua.	20

Outros comentarios sobre a Avaliación
Avaliación non continua (exame final) O alumnado que non se acolla ó réxime da avaliación continua ou que non xunte as condicións esixidas para seguir en réxime de avaliación continua (non asistir ó 80% das sesións, non entregar todas as encargas nos prazos sinalados, non realizar as probas en aula) deberá presentarse ó exame final, que terá lugar durante o tempo de clase da derradeira sesión do curso, segundo o horario e calendarios que se publiquen. O exame final constará de dúas probas de tradución gl>fr. A primeira (cun valor de 40% da nota final) será sempre presencial e non se permitirá o uso de ningún recurso externo nin de ningún tipo de material. Na outra proba (cun valor de 60% da nota final) traballarase en condicións reais con todo o material posible. Esta proba poderá ser presencial ou a distancia, é dicir que poderá ser entregada ó cabo do tempo do exame ou ben poderá ser enviada dentro dun prazo indicado no enunciado, segundo proceda. O plaxio, a copia, os erros ortotipográficos e/ou morfosintácticos invalidan calquera proba. A convocatoria oficial extraordinaria consistirá nun exame que constará das mesmas partes que o exame final descrito anteriormente.