Existem duas modalidades de avaliaçom. Na avaliaçom contínua o estudante dispom da possibilidade de ir superando a matéria por meio da avaliaçom de trabalhos e encomendas realizados ao longo do curso. No caso de nom superar a avaliaçom contínua ou perder a oportunidade de realizá-la (nom realizaçom dos trabalhos ou encomendas, apreciaçom de plágio ou cópia em algum dos trabalhos...), o aluno poderá acudir com o conjunto da matéria à convocatória de julho.

Na segunda modalidade de avaliaçom o estudante dispom da possibilidade de dar conta da matéria por meio de umha única prova ou exame final. Esta consistirá na realizaçom de umha prova presencial de traduçom e terá lugar na data estabelecida no calendário de exames da FFT.

A prova a ser realizada na convocatória de julho consistirá também numha tarefa de traduçom a ser desenvolvida de modo presencial na data marcada no calendário de exames da FFT.

No caso de ser detectada e comprovada a existência de cópia ou plágio em algumha das encomendas, trabalhos ou provas, o aluno perderá a oportunidade de examinar-se na convocatória correspondente.