AVALIACIÓN CONTINUA

As probas descritas na táboa anterior e as porcentaxes asignadas a cada unha delas só se aplican ao sistema de avaliación continua. Para acollerse a esta forma requírese:

• Comunicarlle á docente por medio de Moovi a escolla deste sistema de avaliación antes do 30 de setembro.

• Asistir con regularidade ás clases.

• Realizar todas as encargas e probas nas datas establecidas.

• Entregar puntualmente como mínimo o 80 % das actividades solicitadas pola docente.

Será necesario obter unha nota igual ou superior a 4 en cada unha das partes para que se apliquen as porcentaxes anteriores. Para aprobar a materia, a nota media deberá ser igual ou superior a 5.

AVALIACIÓN ÚNICA

O alumnado que non opte polo sistema de avaliación continua realizarán un exame na data oficial da convocatoria de xaneiro fixada pola Facultade que representará o 100 % da nota final e que constará das seguintes probas:

• Unha proba práctica (60 %). Esta poderá incluír tanto a tradución ou revisión dun texto, como a realización de actividades sobre aspectos traballados nas sesións lectivas (incluídas as lecturas obrigatorias).

• Unha encarga de tradución (40 %). O TO facilitarase o día do exame oficial marcado pola Facultade e a tradución deberá entregarse no prazo indicado pola docente.

Será necesario obter unha nota igual ou superior a 4 en ambas as partes para que se apliquen as porcentaxes anteriores. Para aprobar a materia, a nota media deberá ser igual ou superior a 5.

SEGUNDA OPORTUNIDADE (XUÑO/XULLO)

Para aprobar a materia na segunda oportunidade, o alumnado debe superar unha proba práctica e realizar unha encarga de tradución coas mesmas condicións que o exame de avaliación única e que se realizará na data oficial da convocatoria de xuño/xullo fixada pola Facultade.

Para aprobar a materia requírese unha media igual ou superior a 5 puntos, e obter polo menos un 4 en cada unha das probas. Excepcionalmente, poderase acordar que o alumnado se presente só ás partes que teña pendentes en segunda convocatoria.

Independentemente do sistema de avaliación escollido, non superará a materia quen incorra en plaxio total ou parcialmente. Alegar descoñecemento do que supón un plaxio non eximirá o alumnado da súa responsabilidade neste aspecto.

É responsabilidade do alumnado consultar os materiais e as novidades a través da plataforma de teledocencia Moovi, así como estar ao día das datas en que teñen lugar as probas de avaliación.