O alumnado deberá informar o profesorado nas dúas primeiras semanas de clase a súa elección de acollerse ou non á avaliación continua por escrito. En todo caso, para poder seguila, debe asistir cando menos ao 80% de horas presenciais.

En caso de superar as tres probas e ter superada a presentación e exposición do traballo, considerarase que o alumnado aprobou a avaliación continua. De non aprobar a avaliación continua, deberá avaliarse de todo o temario na convocatoria oficial de xullo.

O sistema de avaliación única (non presencial) consistirá nun exame de resposta curta sobre os contidos impartidos no temario no apartado CONTIDOS da guía docente, que terá lugar na derradeira semana de clase. Do mesmo modo, o alumnado que se acolla ao sistema de avaliación única deberá elaborar un traballo redactado en francés dunhas 20 páxinas aproximadamente sobre algún dos aspectos relacionados cos contidos da materia que deberá contar coa aprobación da/do docente. Penalizarase a copia ou o plaxio.