O alumnado poderá adherirse a un dos dous sistemas de avaliación estimados, é dicir, avaliación continua (v. 1) ou avaliación única (v. 2). 1 Avaliación continua: para o alumnado que siga o curso con asistencia regular ás sesións (80% mínimo) controlada mediante as follas de asistencia. Neste caso, para superar a materia e facer media, é imprescindible aprobar tanto a parte teórica (contidos das sesións maxistrais, actividades introdutorias e estudos e actividades previos), coma a práctica (tradución e comentario crítico). O exame de xullo consistirá en: — proba teórica: conformada a partir das sesións maxistrais, actividades introdutorias e estudos e actividades previos impartidas pola profesora. A extensión será acorde co tempo de exame. — Proba práctica 1: tradución sen dicionario de textos tematicamente vinculados aos empregados nas prácticas. A extensión será acorde co tempo de exame. — Proba práctica 2: comentario crítico sen dicionario dalgunha das lecturas complementarias ás sesións maxistrais. A extensión será acorde co tempo de exame. 2 Avaliación única: o outro sistema de avaliación única está pensado para o alumnado que non asiste ás sesións. Existen dúas convocatorias: en maio/xuño (durante a última sesión, o día 30 de abril) e xullo (data oficial); consiste en: — proba teórica: conformada a partir dos contidos das lecturas obrigatorias presentadas na bibliografía. A extensión será acorde co tempo de exame. Proba individualizada sen material de consulta. — Proba práctica 1: tradución con dicionario de textos tematicamente vinculados aos empregados nas prácticas. A extensión será acorde co tempo de exame. — Proba práctica 2: comentario crítico en castelán ou galego dalgunha das lecturas complementarias ás sesións maxistrais. As lecturas facilitaranse a medida que avance o curso. A extensión será acorde co tempo de exame. Importante: prevense sesións de revisión de probas. En ningún caso, as probas serán compensatorias entre elas. Para obter a cualificación de aprobado cómpre superar todas e cada unha delas, tanto na avaliación continua coma na única. |