Haberá dúas posibilidades de avaliación: continua ou única ao final do cuadrimestre. Recoméndase a continua; o alumno/a que non se acolla á continúa deberá comunicalo ao profesor durante as dúas primeiras semanas do cuadrimestre. AVALIACIÓN CONTINUA: Na primeira edición de actas a
avaliación constará de 4 exercicios teórico-prácticos referidos aos
contidos desenvolvidos no programa que terán lugar o último día de clase da última semana de cada mes. Cada exercicio será seguido dunha paráfrase + un comentario gramatical así como dunha verificación de lectura do
libro de lectura obrigatoria proposto no programa. A lingua dos exames para o
alumno será sempre o francés. A
condición para ser avaliada/o será a asistencia a un mínimo do 80% das horas
totais. AVALIACIÓN ÚNICA (FIN DE CUADRIMESTRE) Se algunha alumna/o non se
pode acoller á avaliación continua por motivos xustificados, deberá
comunicarllo ao profesor argumentadamente ao comezo do cuadrimestre. Nese caso,
poderá ser avaliada/o mediante unha proba sintético-recapitulativa dos contidos
globais do programa desenvolvido durante todo o cuadrimestre (100% da
cualificación final): -1 exercicio práctico + (50%) - unha paráfrase seguida dun comentario
gramatical en lingua francesa + (25%) - unha verificación de lectura do libro de
lectura obrigatoria proposto na bibliografía (25%). Este exame terá lugar o 21 de abril de 2014. A escolla desta opción en ningún caso supón a
perda do dereito a asistir ás aulas sempre que sexa posíbel, o cal se recomenda
encarecidamente. SEGUNDA EDICIÓN DE ACTAS (XULLO) Na segunda edición de actas haberá unha proba global -sintético-recapitulativa- de todos e cada un dos
contidos do programa desenvolvido durante todo o cuadrimestre. Nesta segunda
edición de actas a avaliación levarase a cabo igualmente mediante unha
proba sintético-recapitulativa dos contidos globais do programa desenvolvido
durante o cuadrimestre (100% da cualificación final): 1 exercicio práctico
(50%) + unha paráfrase seguida dun comentario gramatical en lingua francesa
(25%) + unha verificación de lectura do libro de lectura obrigatória
proposto na bibliografía (25%). |