Ao longo das primeiras 3 semanas de docência da matéria os alunos deverám comunicar por escrito ao docente se optam por seguir o procedimento de avaliaçom contínua. A participaçom nesta modalidade implica a assistência a, como mínimo, 85% das horas de docência presencial, bem como a realizaçom de todos os testes e provas correspondentes. Para passar a matéria é preciso obter como mínimo umha nota média de aprovado no conjunto das provas. Os alunos que nom optarem pola avaliaçom contínua serám examinados mediante umha única prova, correspondente ao conjunto da matéria, que será de tipo teste / resposta curta e terá lugar o dia 29 de abril. Os alunos que seguirem o procedimento de avaliaçom contínua e nom tiverem superado o conjunto de provas e trabalhos estabelecidos, ou tiverem perdido a possibilidade de continuar esse sistema de avaliaçom (inassistência, nom realizaçom dos trabalhos ou testes, apreciaçom de plágio ou cópia em algum dos trabalhos...), terám perdido essa convocatória. No caso de assim desejarem, poderám acudir à convocatória de julho ou a convocatórias posteriores. |