A avaliación dos traballos
realizarase tendo en conta o grao de consecución das competencias establecidas
para a materia TFG.

O/A coordinador/a da materia aportará instrucións
detalladas sobre o proceso de elaboración e entrega do traballo e sobre as
datas das convocatorias. Toda a información estará dispoñible na plataforma Faitic.

As datas de entrega do traballo
escrito e da defensa oral serán anunciadas polo Decanato da Facultade a
principios do curso académico. Haberá dúas edicións de actas: maio/xuño e xullo. O alumnado que suspenda na edición de maio/xuño poderá presentarse á edición de xullo. O alumnado que se presente na edición de xullo soamente terá esa oportunidade dentro do mesmo curso académico.

Calquera plaxio identificado será
motivo de suspenso da materia. Entenderase por plaxio calquera cita literal
(curta ou longa) presentada como propia (i.e. sen comiñas e sen referencia da
autoría) ou calquera apropiación das ideas ou metodoloxía dun/ha autor/a que
non se mencione nas referencias, sexa cal for a súa procedencia (un traballo
individual ou colectivo, unha publicación impresa ou un documento electrónico
ou de uso restrinxido, páxina web, ou traballo que se está levando a cabo por
parte dalgún/a compañeiro/a etc). Consonte o Regulamento do TFG, ‘[e]n ningún
caso  pode  ser 
un  traballo  presentado 
con  anterioridade  polo/a estudante  nalgunha 
materia  de  calquera 
titulación’. Alegar descoñecemento do que supón un plaxio non eximirá o
alumnado da súa responsabilidade neste aspecto.

Recoméndase que o alumnado visite
a plataforma Faitic con regularidade. Os avisos e anuncios faranse por medio desta
plataforma vía correo electrónico. É responsabilidade da/do estudante consultar
os medios de comunicación establecidos.

A avaliación terá en conta non só
a pertinencia e calidade do contido das respostas senón tamén a súa corrección
lingüística.