Avaliación continua

O antedito sistema de avaliación está deseñado para o alumnado que asista regularmente ás clases. Estas probas de avaliación serán dun máximo dunha hora e faranse en horario de clase, en datas a anunciar polo profesorado ao comezo do cuadrimestre, e con recordatorios en Moovi antes de cada unha. Cada proba contará un 25% da nota final e será preciso aprobar cun mínimo de 5 puntos de 10 para calcular a media.

Avaliación única

Aquelas persoas que, excepcionalmente e por algunha causa xustificada, non poidan asistir con regularidade deberán comunicalo ao profesor da materia ao principio so cuadrimestre. Este alumnado deberá facer un exame final sobre todos os contidos da materia nas datas estipuladas no calendario oficial ao efecto. Será recordado a través de Moovi con antelación.

O alumnado que suspenda algunha das anteditas probas poderá intentalo de novo no exame que terá lugar o día estipulado oficialmente polo decanato a finais de xuño ou principios de xullo. 

CONSIDERACIÓNS XERAIS

A avaliación terá en conta non só a pertinencia e calidade do contido das respostas senón tamén a súa claridade e correción lingüística.

O plaxio total ou parcial en calquera tipo de actividade avaliable suporá o suspenso da materia. Alegar descoñecemento do que supón un
plaxio non eximirá ao alumno ou alumna da súa responsabilidade.