Avaliación continua

Dado
que se trata do ensino dunha lingua estranxeira é moi recomendábel asistir con
regularidade ás aulas. Quen non teña posibilidade de asistir a un mínimo de 80%
das aulas debe comunicalo ao profesorado. En todo o caso, a non realización de
probas ou exercicios parciais previstos polo sistema de avaliación continua (cf. supra a descrición en “Avaliación”) suporá
a obtención dunha cualificación de 0 (cero) puntos nesta.

As exposicións terán lugar nas tres últimas sesións de clase (decembro de 2016). Estas probas serán gravadas en formato audio e a
participación nelas suporá o consentimento da gravación.

É preciso aprobar a proba escrita (exame), a  proba oral (exposición) e o
traballo tutelado para
superar a materia. De non ser así, non se realizará media. En caso de
suspenso, o alumnado que teña seguido a avaliación continua terá que
recuperar só aquela(s) parte(s) que teña pendente(s) na convocatoria de
xullo.

A
data do último exame de avaliación continua coincidirá coa data do exame de avaliación
única recollida no calendario oficial da FFT.

Avaliación única

A
avaliación única consiste nunha
proba escrita, na data
recollida no calendario oficial da FFT, seguida doutra proba oral que se realizará na mesma semana. É preciso superar ambas as probas (escrita e oral) para
superar a materia e, en caso de suspenso, haberá que recuperar ambas as probas
na convocatoria de xullo.

A
avaliación única valorarase da seguinte forma:

1.
Proba escrita teórico-práctica: 75% da nota final.

2.
Proba oral: 25% da nota final. Esta proba será gravada en formato audio e a
participación nela suporá o consentimento da gravación.

É
preciso superar ambas as probas (escrita e oral) para aprobar a materia.

A
non presentación a unha das probas sen xustificante suporá a obtención dunha
cualificación nela de 0 (cero) puntos.

Segunda edición das actas

Os
mesmos criterios de avaliación única aplicaranse na segunda edición das actas
(xullo). O
exame escrito e oral terá lugar na data recollida no calendario oficial da FFT
para o período de exames de xullo.

O
alumnado de avaliación continua que non superase a materia na primeira
convocatoria e teña que acudir á segunda edición das actas terá que examinarse
exclusivamente da parte ou partes que teñan suspensas (exame oral e/ou
escrito).

A
copia ou o plaxio nos respectivos exames das avaliacións continua ou única será
penalizado cun suspenso (nota numérica: 0) nestas. Alegar descoñecemento do que supón un plaxio non eximirá o alumnado da súa responsabilidade neste aspecto.