Na primeira edición de actas a avaliación será continua e constará das
probas indicadas máis arriba. A condición para ser avaliada/o será a asistencia
a un mínimo do 80% das aulas.

Se algunha alumna/o non se pode acoller á avaliación continua por motivos
xustificados, deberá comunicarllo ao profesorado ao comezo do
cuadrimestre. Nese caso, poderá ser avaliada/o ao final do cuadrimestre
mediante unha proba xeral dos contidos globais do programa
desenvolvido durante todo o cuadrimestre (100% da cualificación final). Este
exame terá lugar ao final do cuadrimestre. 

Na segunda edición de actas (xullo) a avaliación levarase a cabo igualmente
mediante unha proba xeral dos contidos globais do programa
desenvolvido durante o cuadrimestre (100% da cualificación final). Este exame
terá lugar na data oficial de xullo aprobada pola Xunta de Facultade.