As/Os estudantes deberán escoller no principio do curso
entre dúas opcións: un sistema de avaliación continua (cf. supra) ou un sistema
de avaliación única. Recoméndase
optar polo primeiro. Dado o carácter da materia é moi recomendábel asistir con regularidade ás aulas. Para a
avaliación única é preciso superar ambas as probas (escrita e oral) para aprobar a materia. Copia ou plaxio nos respectivos exames será penalizado cun
suspenso (nota numérica: 0) nas mesmas. É
recomendábel consultar regularmente os espazos virtuais da materia na
plataforma TEMA (http://faitic.uvigo.es). Quen opte
de forma directa pola avaliación única (non recomendado) será avaliada/o ao
final do primeiro período, na primeira edición das actas, da
seguinte forma: 1. Cunha proba
escrita teórico-práctica (75% da nota final –teoria: 25%; práctica:
50%–). A proba escrita realizarase na última sesión de aulas, coincidindo co exame do grupo de avaliación continua. 2. Cunha
proba de expresión oral (25% da nota final) que será gravada. A proba oral realizarase na última semana de aulas. É preciso
superar ambas as probas (escrita e oral) para aprobar a materia. Copia ou plaxio
nos respectivos exames será penalizado cun suspenso (nota numérica: 0) nas
mesmas. A
convocatoria das probas de expresión oral deberá acordarse co profesorado coa
antelación necesaria (mínimo 2 semanas antes da introdución das notas en
xescampus), sendo responsabilidade do alumnado contactar co profesorado. A non presentación á proba de expresión oral suporá a obtención dunha
calificación de 0 (cero) puntos na mesma. Os mesmos criterios de avaliación explicados para a avaliación única aplicaranse na segunda edición das actas (xullo). Na convocatoria de xullo o alumnado examinarase de todos os contidos tratados ao longo
do curso. Avaliaranse tamén os resultados da súa participación na
resolución de exercicios e nos traballos de aula ao longo do curso. En todo caso, recoméndase a asistencia ás aulas e ás titorías e consultar regularmente os espazos virtuais da materia na plataforma (http://faitic.uvigo.es), mesmo que non se siga o sistema de avaliación continua. As datas e horarios das probas de avaliación das diferentes convocatorias son as especificadas no calendario de probas aprobado pola Xunta de Centro para o curso 2015-2016. |