A1) Avaliación continua

A avaliación será continua e terá lugar ao final do primeiro cuadrimestre. Para a avaliación continua computarán os seguintes parámetros obrigatorios (entre parénteses figuran as porcentaxes equivalentes da cualificación final):

(1) Participación activa nas sesións presenciais (10%). Aínda que a presencialidade non é obrigatoria, a asistencia regular ás sesións presenciais valorarase positivamente.

(2) Dúas probas parciais que terán lugar na semana inmediatamente posterior á finalización do tema 4 durante as sesións de clase: unha proba sobre os contidos teóricos, a resolución de exercicios ou problemas relacionados coa teoría dos 4 primeiros temas e unha transcrición fonolóxica (10%), e unha proba práctica de laboratorio sobre actividades de discriminación auditiva e produción oral (5%). Un suspenso en calquera destas probas non é recuperable; a porcentaxe da cualificación final alcanzada é sumativa. O día de realización destas probas será anunciado en clase e través da plataforma Faitic coa debida antelación.

(3) Entrega de actividades puntuais (resolución de exercicios, transcricións, grabacións, etc.) que a profesora solicite realizar dentro ou fóra da aula, con ou sen previo aviso, así como grao de desenvolvemento das actividades autónomas nas TIC (15%). A non entrega dunha actividade en tempo e forma puntuará como cero. Un suspenso en calquera destas actividades non é recuperable, salvo que a profesora o indique explicitamente; a porcentaxe da cualificación final alcanzada é sumativa.

(4) Exame final (60%): Constará de dous compoñentes, un teórico-práctico e un práctico de laboratorio (discriminación auditiva e produción oral) que constituirán, respectivamente, un 65% e un 35% da cualificación final do exame. Abarcarán todos os contidos teóricos e prácticos explicados ao longo do cuadrimestre, incluíndo as lecturas obrigatorias tanto do libro de texto como as complementarias. Para aprobar a materia é requisito indispensable superar ambas as partes do exame final cunha cualificación de alomenos 4/10. De non cumplirse este requisito, non se aprobará a materia aínda que a nota media dos catro parámetros avaliados sexa 5 ou superior. O exame final da parte teórico-práctica terá lugar no día, hora e lugar establecidos no calendario de exames aprobado en Xunta de Facultade. A data, hora e lugar da parte do laboratorio serán anunciadas en clase e a través da plataforma Faitic coa debida antelación.

A2) Avaliación única

O alumnado que por motivos xustificados non poida acollerse á avaliación continua deberá comunicarllo á profesora nos 15 primeiros días do curso. Este alumnado será avaliado en base a un único exame final que computará como o 100% da cualificación. O exame abarcará todos os contidos explicados ao longo do primeiro cuadrimestre, incluíndo as lecturas obrigatorias, tanto do libro de texto como as complementarias. Constará dun compoñente teórico-práctico e outro práctico de laboratorio (discriminación auditiva e produción oral) que constituirán, respectivamente, un 65% e un 35% da cualificación final. Para aprobar a materia é requisito indispensable superar ambas as partes do exame final cunha cualificación de alomenos 4/10. De non cumplirse este requisito, non se aprobará a materia aínda que a nota media dos dous compoñentes sexa 5 ou superior.  A celebración do exame único, tanto a parte teórico-práctica como a parte do laboratorio, terá lugar na mesma data, hora e lugar que o exame final do alumnado que segue a avaliación continua, durante o período de exames na data aprobada en Xunta de Facultade.

Aínda que non existe ningún deber presencial, é altamente recomendable que se asista ás sesións presenciais sempre que se poida.

(B) SEGUNDA EDICIÓN DE ACTAS (XUÑO/XULLO)

O alumnado que non supere a avaliación continua na primeira edición de actas ou que, acolléndose á avaliación única a comezos de curso, non superase esta deberá presentarse á segunda edición de actas de xuño/xullo na que será avaliado en base a un único exame final que comprenderá tanto a parte teórico-práctica como a de práctica do laboratorio e que computará como o 100% da cualificación (véxase arriba o apartado sobre avaliación única en (A2)). A parte teórico-práctica do exame terá lugar na data, hora e lugar establecidos no calendario de exames aprobado en Xunta de Facultade. A data, hora e lugar da realización do compoñente práctico de laboratorio será anunciado a través da plataforma Faitic coa debida antelación.

Notas:

- A avaliación terá en conta non só a pertinencia e calidade do contido das respostas senón tamén a súa corrección lingüística.

- A copia ou plaxio total ou parcial en calquera tipo de actividade ou proba/exame suporá un cero nesa actividade ou proba/exame. Alegar descoñecemento do que supón un plaxio non eximirá ao alumnado da súa responsabilidade neste aspecto.