1ª EDICIÓN DE ACTAS

Avaliación continua:

O
proceso de avaliación arriba descrito está deseñado para o alumnado que
asista regularmente a clases. O alumnado que non poida asistir
con regularidade por algunha razón xustificada deberá comunicalo ao
profesorado a principios do cuadrimestre, e será avaliado polo sistema
de avaliación única explicado abaixo.

As probas para avaliar o uso
da
gramática e vocabulario, a comprensión oral e lectora, e a expresión escrita faranse o día do exame que marque o calendario oficial da facultade. A proba de expresión oral acordarase co profesorado coa debida antelación. A entrega de traballos escritos e as datas para a participación
en
debates durante o cuadrimestre serán comunicadas con antelación polo profesor/a. As porcentaxes
correspondentes a estas últimas actividades uniranse ás das probas
finais para que tanto o Speaking como o Writing supoñan un 20% da nota
cada un, como os demáis apartados.

Avaliación única

Excepcionalmente,
como se dixo antes, aqueles estudantes que non poidan asistiren ás
aulas con regularidade e, por tanto, non poidan participar nos debates e
entregar traballos durante o periodo de clases, pasarán a ser avaliados
a través das probas orais e escritas finais. Esas probas suporán o
100% da súa avaliación, contando cada parte (Use of English, Listening,
Speaking, Reading e Writing) un 20%, e faranse o día do exame que marque o calendario oficial da facultade. A proba de expresión oral acordarase co profesorado coa debida antelación. 

2ª EDICIÓN DE ACTAS

O
alumnado que non se presente ou suspenda ao final do cuadrimestre
poderá presentarse aos exames de xullo nas datas que marque o calendario
oficial do centro. Aqueles que se presentaran anteriormente pero foron
cualificados con Suspenso poderán facer somentes as partes nas que non
acadara un 5, podendo conservar as notas das partes que teña aprobadas.
Para os
estudantes que non se presentaran antes, as probas orais e escritas
contarán o 100% da súa nota, e cada parte un 20% tal como se explica no
apartado de avaliación continua.

OUTROS COMENTARIOS

Durante a realización dos exames
non se permite a utilización de dicionarios, ordenadores, ou
calquera outro aparato electrónico, con ou sen conexión a internet.

A
copia ou plaxio total ou parcial en calquera tipo de actividade suporá
un cero nesa parte. Alegar descoñecemento do que supón un
plaxio non eximirá ao alumnado da súa responsabilidade neste aspecto.