CONVOCATORIA ORDINARIA

Ofrécense dous sistemas
de avaliación: continua e semipresencial.

O sistema de avaliación
continua implica a asistencia regular e a participación activa do alumnado no
desenvolvemento das clases maxistrais, así como nos traballos de aula e nos
tutelados, o que computa un 40 % da nota final. Non se obterá puntuación por
este concepto cando a asistencia sexa inferior a un 80 % do total das horas
de clase. Informarase a profesora de calquera incidencia en relación coa non
asistencia ás clases. Dentro deste concepto, as actividades voluntarias
computan nunha porcentaxe do 10 %. O resto de porcentaxes guíase segundo a
desagregación da táboa anterior.

Como alternativa ao
sistema de avaliación continua ordinario, proponse un sistema
de semipresencialidade, segundo o cal o estudantado que se acolla a el
terá que realizar con éxito as seguintes probas e tarefas para superar a materia:
un exame escrito final de contido léxico, gramatical e de Landeskunde(50 %) e a entrega de dous traballos
de contido lingüístico e/ou cultural (50 %). Estes traballos acordaranse
entre a docente e o alumnado.

CONVOCATORIA EXTRAORDINARIA

Exame teórico-práctico
dos contidos do curso (100 %).