Este proceso de avaliación está deseñado para todo o alumnado que asista a clase regularmente. Excepcionalmente, aquelas persoas que non poidan asistir ao 80% das sesións presenciais por algunha causa xustificada e demostrada documentalmente, deberán comunicarllo por escrito ao profesorado da materia ao principio do cuadrimestre. Pasarán a ser avaliadas mediante un exame escrito a final de cuadrimestre que suporá o 70% da nota e constará de exercicios de gramática (30%), vocabulario (20%) e escoita (20%). Haberá tamén un exame oral que contará como o 30% restante. Para a realización desta proba, o alumnado debe poñerse en contacto co profesorado da materia con antelación.

Durante o curso, o profesorado informará con antelación suficiente das datas de entrega de exercicios realizados fóra da aula e das actividades que formen parte da avaliación continua. A non entrega de ditos exercicios ou a non participación nesas actividades de aula contará como cero puntos. O plaxio total ou parcial suporá a anulación da nota correspondente.

O alumnado que non supere a materia en maio poderase presentar en xullo para a segunda edición de actas. Nesta convocatoria faranse probas escritas e orais semellantes ás descritas ao final do primeiro parágrafo (exercicios de gramática: 30%, vocabulario: 20%, escoita: 20%, expresión oral: 30%).