Guia docente 2014_15 Facultade de Filoloxía e Tradución

Avaliación

	Descrición	Cualificación
Estudo de casos/análises de situacións	Pedirase ao alumnado que emita un xuízo razoado sobre un caso ou unha situación lingüística. Pode facerse tomando como base un texto.	20
Resolución de problemas e/ou exercicios de forma autónoma	A adquisición de competencias activas no desenvolvemento de problemas do ámbito da lingüística será avaliada a través da revisión dos exercicios entregados.	20
Probas prácticas, de execución de tarefas reais e/ou simuladas.	As alumnas e alumnos deberán resolver exercicios de análise lingüística, nun nivel básico, de linguas diferentes.	35
Probas de resposta curta	O alumnado responderá por escrito, de xeito conciso e razoado, ás cuestións que se lle plantexen.	25

Outros comentarios sobre a Avaliación
A avaliación é continua. Requírese o 80% de presencialidade na aula. As alumnas e alumnos que se vaian acoller á modalidade semipresencial deberán comunicárllelo aos profesores, por correo electrónico ou por calquera outro procedemento, ao comezo do cuadrimestre. Neste caso esixirase a asistencia ao 40% das sesións presenciais. Estableceranse procedementos de avaliación continua, equivalentes aos que realiza o alumnado presencial, a través da plataforma de e-learning. Existe unha modalidade alternativa de avaliación única para o alumnado que non vaia seguir o sistema de avaliación continua por algunha das causas que recollen as normativas aplicables (por exemplo, por simultanear os estudos cunha actividade laboral) e que deberá xustificarse, en todo caso, durante as primeiras semanas de impartición da materia. A modalidade alternativa de avaliación única consistirá nunha proba escrita na cal se avaliará o grao de adquisición das competencias específicas da materia, poñendo especial atención na adquisición dos conceptos básicos e na habilidade de solución de problemas relacionados coa linguaxe e as linguas. Esta proba realizarase no período comprendido entre o 11 e o 22 de maio. Quen non consiga cumprir os mínimos requiridos para aprobar polo sistema de avaliación continua poderá facer unha proba final, na data oficial de xullo (con vistas á segunda edición de actas). Tamén poderá optar a esta segunda oportunidade aquel alumnado que non superase a materia na primeira edición das actas polo sistema de avaliación única. Consistirá nunha proba escrita na cal se avaliará o grao de adquisición das competencias específicas da materia, poñendo especial atención na adquisición dos conceptos básicos e na habilidade de solución de problemas relacionados coa linguaxe e as linguas. Se se precisa unha adaptación da avaliación por razón de discapacidade, debe informarse aos profesores coa debida antelación. Deberá aportarse documentación xustificativa. Apreciarase o rigor e o traballo individual na elaboración dos exercicios de curso. As prácticas de copia ou plaxio serán penalizadas e poderán supor o suspenso.