PRIMEIRA EDICIÓN DE ACTAS

Modalidade de avaliación continua. O estudantado que asista ao curso e participe de xeito regular fará un exame de cada unha das metades da materia, un cara a metade de novembro e o outro en decembro, na data oficial para a avaliación única aprobada pola Xunta de FFT. O alumnado que suspenda a primeira parte terá ocasión de recuperala tamén nesa mesma data de decembro fixada para a avaliación única. A data de entrega dos traballos/proxectos será acordada coa profesora ao comezo do curso.

Quen non se acolla á avaliación continua deberá xustificalo de xeito razoado ao comezo das sesións e realizar a avaliación única mediante un exame na data oficial aprobada pola Xunta de FFT. Para presentarse a este exame será requisito indispensable que previamente entregue á profesora un traballo (semellante ó incluído no apartado de "traballos e proxectos" da avaliación continua) que sexa considerado apto pola profesora; neste suposto, dito traballo suporá ata o 10% da nota.

SEGUNDA EDICIÓN DE ACTAS (xullo)

O estudantado, tanto de avaliación continua como de avaliación única, que non supere a materia na primeira edición de actas examinarase na segunda edición de actas (xullo) por medio dun exame na data oficial aprobada pola Xunta de FFT. Para presentarse a
este exame será requisito indispensable que previamente entregue á
profesora un traballo (semellante ó incluído no apartado de "traballos e
proxectos" da avaliación continua) que sexa considerado apto pola
profesora; neste suposto, dito traballo suporá ata o 10% da nota.