Avaliación da materia:

1. (Avaliación continua: asistencia
obrigatoria ás clases, 80%)

-A nota final da convocatoria de maio resultará da suma das cualificacións dos traballos de aula, os proxectos e un exame, na última semana do cuadrimestre, que constará dunha proba práctica e probas de resposta longa. O valor, en porcentaxe, de traballos, proxectos e probas aparece na Guía ao lado da descrición destas.

-Tendo en conta que se trata dunha avaliación continua e que, polo tanto, ao final do cuadrimestre o alumnado terá que demostrar as competencias adquiridas, para facer media coa cualificación de traballos e proxectos a nota do 'exame' terá que alcanzar o aprobado.

-Será requisito para aprobar cada unha destas actividades a correcta expresión oral e escrita, o que significa: uso pertinente dos signos de puntuación, corrección ortográfica, orde e claridade na exposición, rigor e redacción persoal (evitando, por suposto, a reprodución de palabras e ideas alleas sen indicar a súa procedencia).

-A nota da convocatoria de xullo resultará dun exame consistente en probas de resposta longa e probas prácticas. Os requisitos anteriores son igualmente procedentes nesta convocatoria.

2. (Avaliación única)

-As alumnas e alumnos que, por razóns xustificadas, non poidan asistir ás clases e, por iso, lles sexa imposible elixir o procedemento de avaliación continua, terán que realizar, ademais do exame, un traballo cuxos temas e prazos a profesora lles indicará ao comezo do cuadrimestre. Por esta razón, é imprescindible que se poñan en contacto con ela nese momento. Neste caso, o valor do traballo será do 30% e o do exame do 70%, tendo que aprobarse este para sumar a nota do traballo.

Proceden igualmente, para aprobar, os requisitos indicados no apartado anterior.