Guia docente 2015_16 Facultade de Filoloxía e Tradución

Comunicación científica-técnica en galego e español

Avaliación

	Descrición	Cualificación	Resultados de Formación e Aprendizaxe
Traballos tutelados	O alumnado presentará individualmente e/ou en grupo os traballos propostos pola docente. A través destes traballos tratarase de poñer a proba a competencia en lingua escrita do alumnado e a súa capacidade para identificar e analizar as características e os recursos de modalización dos textos científico-técnicos (divulgativos ou de investigación). Avaliaranse os resultados (estrutura, adecuación, coherencia, cohesión) e a calidade lingüística da redacción.	30	A1 A2 A3	B4	C1 C4 C5 C6 C9 C13	D2
Resolución de problemas e/ou exercicios	Avaliarase a resolución dos problemas e exercicios propostos pola docente e relacionados coa materia traballada, sempre e cando a entrega de cada práctica se produza dentre dos prazos e termos establecidos pola docente. Só dese xeito se poderá levar a cabo a avaliación. A entrega dos traballos baseados nestas actividades desenvolveráse ben no marco das actividades da aula, ben mediante a plataforma TEMA, segundo será indicado en cada caso polo docente.	30	A3 A5	B6	C4 C6 C9 C12 C13	D2 D4
Presentacións/exposicións	Consistirá na elaboración e presentación (en tempo e forma) dun guión escrito, na exposición oral do tema estudado e na resposta, se for o caso, das cuestións que poidan ser formuladas oralmente.	15	A4		C1 C7 C13	D4
Probas de resposta longa, de desenvolvemento	Levarase a cabo unha proba escrita na que se avaliarán os contidos e competencias traballadas na materia.	25	A1 A2 A3 A4 A5	B6	C1 C4 C5 C6 C7 C9 C12 C13	D2 D4

Outros comentarios sobre a Avaliación
1ª edición das actas O alumnado poderá escoller entre dous sistemas de avaliación, continua e única. Deberá confirmar explicitamente por cal das dúas opta nas dúas semanas iniciais do cuadrimestre. a) Avaliación continua: condicións É condición indispensable para ter dereito a ser avaliada/o nesta modalidade asistir a un 80% das clases, como mínimo. Unha ausencia da aula durante 15 minutos ou máis equivale á 'non asistencia' a esa sesión. Estas condicións non serán modificadas baixo ningún concepto. Para poder entrar nesta modalidade é condición sine qua non terse presentado ou ter entregado polo menos unha das actividades correspondentes ás catro metodoloxías de avaliación: traballo(s) tutelado(s), resolución de problemas, exposición oral e proba de desenvolvemento. Isto é, non será avaliada/o quen non se someta á avaliación dalgunha das catro metodoloxías descritas nesta páxina. Non se poderá renunciar á avaliación continua, unha vez escollida, agás por causas excepcionais e xustificadas. O incumprimento das condicións da avaliación continua (asistencia etc.) implicará o paso automático á avaliación única. Os aspectos avaliados son os que aparecen nesta páxina por un valor do 100% da nota. Tanto nas probas como no resto dos exercicios propostos ao longo do curso penalizaranse os erros ortográficos, na expresión, as incoherencias sintácticas, etc. con 0,20 puntos por cada falta. Isto é válido tanto para o galego como para o español. O plaxio ou a copia suporá a non cualificación do exercicio, traballo, práctica etc. b) Avaliación única: condicións A cualificación na modalidade de avaliación única repartiráse do xeito seguinte: -Presentación do(s) traballo(s) tutelado(s) que sexa(n) establecido(s) durante o curso, sobre cuestións establecidas pola docente no marco do traballado na materia: 40% -Exposición oral: 20% -Proba escrita de resposta longa, de desenvolvemento (exame): 40% Convocatoria de xullo -Presentación do(s) traballo(s) tutelado(s) que fose(n) establecido(s) durante o curso, sobre cuestións establecidas pola docente no marco do traballado na materia: 40% -Exposición oral: 20% -Proba escrita de resposta longa, de desenvolvemento: 40%