Guia docente 2016_17 Facultad de Filología y Traducción

Seminario de literaturas e culturas lusófonas

Avaliación

	Descrición	Cualificación	Resultados de Formación e Aprendizaxe
Traballos tutelados	Avaliaranse a estrutura, metodoloxía e contidos dun traballo escrito de aproximadamente 12 páxinas con introdución, parte principal, conclusión e bibliografía, seguindo as normas do TFG. Un primeiro borrador enviarase ao profesor en formato Open Office ou Word na primeira semana de decembro. A entrega definitiva do traballo é na primeira semana de xaneiro. O traballo pode ser redactado en lingua portuguesa ou galega (indicacións específicas para o alumnado Erasmus en "Outros comentarios").	40	A1 A2 A3 A4	C4 C6 C7 C8 C9 C10 C11 C12 C13	D2 D3 D4 D5
Presentacións/exposicións	Avaliaranse a estrutura, metodoloxía e contidos dunha exposición oral en lingua portuguesa, de aprox. 20 min., acompañada da documentación correspondente. As exposicións orais realizaranse ao longo dos meses de outubro, novembro e decembro (indicacións específicas para o alumnado Erasmus en "Outros comentarios").	30	A1 A2 A3 A4	C4 C6 C7 C8 C9 C10 C11 C12 C13	D2 D3 D4 D5
Resolución de problemas e/ou exercicios de forma autónoma	Avaliarase a calidade das intervencións nas aulas e as realizacións de eventuais exercicios, como tamén a participación noutras actividades da materia.	30	A1 A2 A3 A4	C4 C6 C7 C8 C9 C10 C11 C12 C13	D2 D3 D4 D5

Outros comentarios sobre a Avaliación
As clases desta materia impartiranse en lingua portuguesa, podendo as/os estudantes responder en lingua portuguesa ou galega. A exposición oral debe ser realizada en lingua portuguesa. Os traballos escritos poden ser redactados en lingua portuguesa ou galega. Avaliación continua e avaliación única As/Os estudantes deberán escoller a principio de curso ou un sistema de avaliación continua (cf. supra) ou un sistema de avaliación única. Recoméndase optar polo primeiro. A condición para ser avaliada/o de forma continua será a asistencia regular ás aulas. Tanto na avaliación continua como na avaliación única, a copia ou o plaxio penalizarase cun suspenso (nota numérica: 0) na proba correspondente. No caso da avaliación única hai que aprobar todos os procedementos avaliadores para poder calcular a media final. Quen opte pola avaliación única será avaliada/o ao final do primeiro período na data indicada no calendario oficial de exames do centro da seguinte forma: 1. cun exame escrito que abranguerá todos os contidos fundamentais da materia indicados no dosier que se distribuirá a principios do cuadrimestre; 2. cun exame oral individual, no cal as/os estudantes deberán debater co profesor temas relacionados coas lecturas obrigatorias. Cada unha destas 2 partes da avaliación única contará un 50% da nota final e será necesario aprobar ambas para poder aprobar toda a materia. Os mesmos criterios de avaliación única aplicaranse no segundo período das actas (xullo). A data do exame de avaliación única (tanto para a parte escrita como para a oral) é aquela recollida no calendario oficial de exames da FFT. En todo caso, recoméndase a asistencia ás aulas e ás titorías e a consulta regular dos espazos virtuais da materia na plataforma TEMA e no BLOG e Facebook asociados, mesmo que non se siga o sistema de avaliación continua. Aviso importante para o alumnado de intercambio (Erasmus): O alumnado Erasmus poderá participar nas aulas en lingua castelá e realizar a exposición oral nesta lingua. Tamén pode realizar, de forma excepcional e tras a correspondente consulta co profesor, o traballo escrito en lingua inglesa, francesa ou alemá. Con todo, o alumnado Erasmus debe dispor dun coñecemento pasivo de lingua portuguesa suficiente para poder ler textos literarios e para poder seguir unha exposición académica en lingua portuguesa. Por iso, non se recomenda ao alumnado de intercambio que non teña como mínimo un nivel de B1 en lingua portuguesa matricularse nesta materia. O ensino de literaturas e culturas lusófonas na UVigo diríxese a un alumnado que ten o galego e/ou o castelán como lingua materna e que parte de coñecementos históricos e literarios previos destas culturas, de maneira que a progresión é rápida.