Guia docente 2015_16 Facultade de Filoloxía e Tradución

Seminario de literaturas e culturas lusófonas

Avaliación

	Descrición	Cualificación	Resultados de Formación e Aprendizaxe
Traballos tutelados	Avaliarase un traballo escrito con introdución, parte principal, conclusión e bibliografía, seguindo as normas do TFG. Un primeiro borrador enviarase ao profesor en formato Open Office ou Word na primeira semana de decembro do 2015. A entrega definitiva do traballo é na segunda semana de xaneiro de 2016.	40	A1 A2 A3 A4	C4 C6 C7 C8 C9 C10 C11 C12 C13	D2 D3 D4 D5
Presentacións/exposicións	Avaliarase a estrutura, organización e contido dunha exposición oral de aprox. 20 min., acompañada da documentación correspondente. As exposicións orais realizaranse ao longo do mes de decembro.	30	A1 A2 A3 A4	C4 C6 C7 C8 C9 C10 C11 C12 C13	D2 D3 D4 D5
Resolución de problemas e/ou exercicios de forma autónoma	Avaliarase a calidade das intervencións en debate e as realizacións de exercicios concretos, como tamén a participación nas demais actividades da materia.	30	A1 A2 A3 A4	C4 C6 C7 C8 C9 C10 C11 C12 C13	D2 D3 D4 D5

Outros comentarios sobre a Avaliación
As/Os estudantes deberán escoller a principio de curso ou un sistema de avaliación continua (cf. supra) ou un sistema de avaliación única. Recoméndase optar polo primeiro. No caso da avaliación única hai que aprobar todos os procedementos avaliadores para poder calcular a media final. A copia ou o plaxio penalizarase cun suspenso (nota numérica: 0) na proba correspondente. É obrigatorio consultar regularmente os espazos virtuais da materia na plataforma TEMA e no BLOG asociado. A condición para ser avaliada/o de forma continua será a asistencia regular ás aulas. Quen opte de forma directa pola avaliación única será avaliada/o ao final do primeiro período das actas (convocatoria de xaneiro) da seguinte forma: 1. cun exame escrito que abranguerá todos os contidos fundamentais da materia; 2. cun exame oral individual, no cal as/os estudantes deberán debater co profesor temas previamente acordados. Cada unha destas 2 partes da avaliación única contará un 50% da nota final e será necesario aprobar ambas para poder aprobar toda a materia. Será obriga da/do estudante de acordar unha data para a proba oral co profesor até 3 días antes da entrega das actas. A copia ou o plaxio penalizarase cun suspenso xeral (nota numérica: 0). Os mesmos criterios de avaliación aplicaranse no segundo período das actas (xullo). As datas dos diferentes exames acordaranse co profesor coa antelación necesaria. En todo caso, recoméndase a asistencia ás aulas e ás titorías e consultar regularmente os espazos virtuais da materia na plataforma TEMA e no BLOG asociado, mesmo que non se siga o sistema de avaliación continua.