Avaliación da materia:

1. Avaliación continua (asistencia obrigatoria ás clases, 80%)

-A nota final da convocatoria de maio resultará da suma das cualificación dos traballos de aula, dos proxectos e dun exame, que terá lugar na última semana do cuadrimestre, que constará dunha proba práctica e probas de resposta longa. O valor, en porcentaxe, de traballos, proxectos e probas aparece na Guía ao lado da descripción das mesmas.

Tendo en conta que se trata dunha avaliación continua e que, polo tanto, ao final do cuadrimestre o alumnado terá que demostrar as competencias adquiridas, para facer media coa calificación de traballos e proyectos a nota do 'exame' terá que alcanzar o aprobado.

Será requisito para aprobar cada unha destas actividades a correcta expresión oral e escrita, o que significa: uso pertinente dos signos de puntuación, corrección ortográfica, orde e claridade na exposición, rigor e redacción persoal (evitando, por suposto, a reproducción de palabras e ideas alleas sen indicar a súa procedencia).

-A nota da convocatoria de xullo resultará dun exame consistente en probas de resposta longa e probas prácticas. Os requisitos anteriores son igualmente procedentes nesta convocatoria.

2.  Avaliación única

As alumnas e alumnos que, por razóns xustificadas, non poidan asistir ás clases e, por isto, lles sexa imposible elixir o procedimento de avaliación continua, terán que realizar, ademais do exame, un traballo, os temas e prazos do cal a profesora lles indicará ao comezo do cuadrimestre. Por esta razón, é imprescindible que se pongan en contacto con ela nese momento.

O valor do traballo será do 30% e o do exame do 70%, sendo preciso aprobar este para sumar a nota do traballo.

Proceden neste caso, igualmente, para aprobar, os requisitos indicados a propósito da avaliación continua.