En primeira convocatoria o alumnado ten dereito a elixir entre avaliación continua ou avaliación única, e a cualificación final, así como a tipoloxía das probas, resultará da aplicación do arriba exposto: así, na avaliación única, o exame equivalerá ao 100% da cualificación, en tanto que na avaliación continua, ao 70% resultante do exame haberá de sumarse o 10% de asistencia regular e participativa ás clases teórico-prácticas e outras actividades de docencia presencial, e un 20% a partir dos exercicios escritos realizados nas clases prácticas e recolleitos polo docente para a súa posterior avaliación. Pola contra, para a segunda edición das actas ou 2ª convocatoria (mes de xullo), así como para as posteriores convocatorias extraordinarias, tan só haberá a posibilidade de avaliación única, a través dun exame que combinará probas prácticas (especialmente comentarios literarios de textos extraídos das lecturas obrigatorias) e preguntas de carácter teórico.