Guia docente 2010_11 Facultade de Filoloxía e Tradución

Avaliación

	Descrición	Cualificación
Resolución de problemas e/ou exercicios	Ó longo do curso, o profesorado irá recompilando as cualificacións de todas as actividades prácticas avaliables (orais ou escritas). O seu valor sobre a cualificación final é do 36%.	36
Presentacións/exposicións	Contémplase a realización de dúas actividades de natureza oral. O seu valor sobre a cualificación final é do 16%.	16
Traballos tutelados	Contémplase a realización dunha actividade de natureza escrita. O seu valor sobre a cualificación final é do 8%.	8
Sesión maxistral	Realizaranse tres probas (de natureza escrita e oral) verbo dos coñecementos teóricos e lingüísticos desenvolvidos na materia. O seu valor sobre a cualificación final é do 36%.	36

Outros comentarios sobre a Avaliación
Asistencia. Para poder optar á avaliación continua o alumnado deberá asistir a un mínimo do 80% das aulas (tanto das horas teóricas coma das prácticas e do laboratorio). Valorarase, proporcionalmente, esta asistencia -sempre que se faga dun xeito activo- ata un máximo do 4% da cualificación final. Os discentes terán que conseguir un mínimo de 5.00 (sobre 10) en cada unha das catro tipoloxías de avaliación (cfr. supra). Así mesmo, cada unha das probas ou actividades individuais que constitúen cada un deses catro bloques debe alcanzar un 4.00 (sobre 10) para poder considerarse superada e poder facer media coas demais. Todas as prácticas, actividades e traballos solicitados polos docentes teñen que se entregar, para poder ser avaliados, nos prazos marcados. Igualmente, o plaxio ou copia está penalizado cun 0; o segundo 0 por este motivo suporá un suspenso automático na materia. Os discentes que non perdan o dereito á avaliación continua poderán recuperar no mes de xuño, na data fixada pola Facultade, aquelas probas que non superasen ó longo do curso. O alumnado que non asista ó 80% das aulas poderá superar a materia a través do exame final do mes de xullo, na data fixada pola Facultade. Este exame cubrirá o 100% da cualificación da materia e estará composto por diversas probas de natureza oral e escrita verbo dos contidos desenvolvidos ó longo do curso. O alumnado que asistise ó 80%, ou máis, das aulas poderá superar neste mes de xullo aquelas probas que aínda non aprobase (en todo caso, se algunha das partes non se consegue aprobar suporá un suspenso na materia e non se fará a suma total das porcentaxes).