Resolución de problemas e/ou exercicios |
Durante o curso, o profesorado especificará que actividades prácticas son avaliables. Tamén se terá en conta a participación activa na resolución das outras actividades. |
20 |
Probas de resposta curta |
Realizarase unha proba escrita na última semana do cuadrimestre sobre os contidos teórico-prácticos da materia. |
25 |
Probas prácticas, de execución de tarefas reais e/ou simuladas. |
Realizarase unha proba na última semana do cuadrimestre, que pode ser ó mesmo tempo ca outra proba de resposta curta, na que o alumnado deberá identificar, corrixir e xustificar erros lingüísticos en textos escritos e orais. |
25 |
Outras |
Realizarase unha proba oral na que o estudantado deberá demostrar que domina suficientemente o estándar oral fónico galego, e en especial, os seus trazos fónicos máis caracterizadores. |
15 |
Existen dous sistemas de avaliación da materia (o alumnado deberá escoller a principio de curso un deles):
a) Avaliación continua, para o alumnado que asista regularmente ás clases (arredor do 80% de asistencia) e realice e entregue en tempo e forma as tarefas de avaliación indicadas polo profesor. A puntuación final obterase da suma das porcentaxes das puntuacións expresadas arriba. De non superar algunha das actividades que se avalían, o profesor poderá mandar repetilas para corrixilas. Ó final do curso tamén se realizará un exame oral individual. En todo caso, para aprobar a materia, o alumnado deberá ter aprobados todos os exames escritos das "Probas prácticas, de execución de tarefas reais e/ou simuladas" e "Probas de resposta curta", e tamén a "Proba oral". De non superar esas probas escritas, o alumnado poderá recuperar só as partes suspensas nun exame escrito ó final do curso (maio/xuño), ou no seu caso no exame escrito da convocatoria de xullo. Se por causa xustificada algún alumno/a non pode cumprir a condición de asistencia do 80% deberá comunicarllo ó docente, que poderá habilitar outras actividades compensatorias. No caso de que o/a alumno/a renuncie á avaliación continua pasará a ser avaliado polo sistema b) de "Avaliación única".
b) Avaliación única. O alumnado que non opte polo sistema de "avaliación continua", para superar a materia deberá examinarse sobre todos os contidos da materia cun exame final único na convocatoria de maio/xuño, na data que dispoña a Facultade. Este exame constará de dúas partes: unha escrita e outra oral; o/a alumno/a deberá superar obrigatoriamente esta última para aprobar a materia. De non superar este exame, o/a alumno/a deberá volver examinarse por medio doutro exame final único (escrito e oral) na convocatoria oficial de xullo na data que dispoña a Facultade. Os/as alumnos/as que opten por este sistema poderán asistir ás aulas e ser atendidos nas titorías cando o solicitaren. |