Guia docente 2011_12 Facultade de Filoloxía e Tradución

Lingüística: Introdución ao estudo da linguaxe e a comunicación

Avaliación

	Descrición	Cualificación
Seminarios	Preparación e participación activa nos seminarios	20
Debates	Preparación e participación activa nos debates que se propoñan ao longo do curso	25
Resolución de problemas e/ou exercicios	Asistencia, seguimento e participación nas clases dedicadas a resolver os exercicios e os problemas propostos. Achega por parte do estudantado de respostas orais e/ou escritas aos exercicios propostos.	15
Probas de resposta curta	Realización de probas escritas específicas nas que o estudantado demostre que sabe recoñecer, describir e exemplificar os conceptos e termos básicos da materia.	20
Probas de resposta longa, de desenvolvemento	Realización dunha proba na que se demostre a capacidade de razoamento e argumentación con respecto aos temas da materia.	20

Outros comentarios sobre a Avaliación
Contémplanse dúas posibilidades de avaliación: continua e única. A primeira, recomendada para todo o alumnado, contempla as actividades que se describen na táboa anterior. Para a avaliación continua é imprescindible a asistencia a un mínimo do 80% das horas presenciais. O alumnado que decida non acollerse a este tipo de avaliación fará un exame global de toda a materia ao final do cuadrimestre, na data oficial fixada polo decanato. Ao principio de curso debe escollerse o sistema a seguir. Todo o alumnado que non supere a materia satisfactoriamente terá unha segunda oportunidade. Tanto para os que opten pola avaliación continua coma para os que elixan avaliación única, esta segunda oportunidade constará dunha proba escrita sobre os contidos da materia, cunha parte conceptual e outra de razoamento e argumentación. Para os de avaliación continua non se terán en conta as cualificacións parciais obtidas durante o curso. A proba terá lugar no mes de xullo, na data oficial fixada polo decanato.