Guia docente 2010_11 Facultade de Filoloxía e Tradución

Literatura: Panorama da literatura galega I

Avaliación

	Descrición	Cualificación
Eventos docentes e/ou divulgativos	Poderá esixírselle ao alumnado un resumo das conferencias ou eventos docentes e/ou divulgativos.	0,5
Resolución de problemas e/ou exercicios	Avaliaranse como complemento das probas de resposta longa e dos estudos e actividades previos dos traballos tutelados.	0,5
Presentacións/exposicións	Un terzo da nota correspondente ao traballo tutelado valora a capacidade expositiva na presentación ou exposición na aula.	1
Traballos tutelados	Equivalen a un 30 % da nota. A avaliación desagregámola na nota atribuída aos estudos ou actividades previos e as autoavaliacións (1) o traballo tutelado en si (1) e a exposición na aula (1) [total: 3].	1
Estudos/actividades previos	Avaliación previa dos traballos tutelados que dan orixe ás presentacións ou exposicións na aula.	0,5
Sesión maxistral	A adquisición dos contidos e destrezas adquiridos nas sesións maxistrais avalíase nas probas correspondentes. Valorarase, ademais, a asistencia ás clases (que ha de superar o 80 % das horas), a atención e a participación.	0,5
Probas de resposta curta	Unha proba tipo test servirá para detectar a adquisición de competencias no relativo aos contidos e á capacidade de interpretar e analizar un texto literario.	2
Probas de resposta longa, de desenvolvemento	Realizaranse polo menos dúas probas en que o alumnado deba desenvolver por escrito un tema e un comentario dun texto literario.	3,5
Probas de autoavaliación	Complementarias da cualificación dos traballos tutelados.	0,5

Outros comentarios sobre a Avaliación
(1). O alumnado cualificado negativamente na avaliación continua pode someterse a nova avaliación na segunda convocatoria mediante un exame escrito. Dependendo da cualificación obtida na avaliación continua, este exame poderá substituírse pola presentación dun traballo. (2). Para o alumnado que non se somete á avaliación continua, a cualificación da primeira convocatoria basearase, a partes iguais, nun traballo escrito (proposto no inicio do cuadrimestre) e un exame. En caso de obter cualificación negativa no traballo ou no exame, será avaliado en segunda convocatoria; para a cualificación do traballo, presentándoo novamente coas modificacións suxeridas, e para o exame, someténdose a unha nova proba escrita. (3). O alumnado de Complementos de Formación cursa con esta materia seis créditos de literatura galega, que deben completarse cos de Panorama da literatura galega II. A comezo de curso pode solicitar ser avaliado segundo os criterios destinados á avaliación continua ou rexerse polos expostos en (2).