Ao inicio do curso, as alumnas e alumnos deberán indicarlle aos docentes a forma de avaliación pola que optan, é dicir, avaliación continua (traballos de aula, presentacións, proxectos, probas, etc.) ou avaliación única (un único exame ao final do cuadrimestre). O exame final para o alumnado de avaliación única terá lugar na penúltima semana do curso. O alumnado que non poida asistir ás clases regularmente debe poñerse en contacto cos docentes ao inicio do curso. Os estudiantes Erasmus e doutros programas de intercambio internacional (deben acreditar nivel B2 de español) poderán realizar as probas coa axuda dun dicionario. O alumnado que non supere a materia ao final do cuadrimestre poderá presentarse á convocatoria oficial de xullo, que consistirá en todos os casos nun exame, con cuestións teóricas e prácticas. Non se gardarán as cualificacións obtidas a través das probas, actividades e traballos realizados ao longo do curso. Tanto nas probas coma no resto dos exercicios propostos ao longo do curso penalizaranse os erros ortográficos, os erros na expresión, as incoherencias sintácticas, etc. Penalizarase tamén a copia ou o plaxio. |