Nomearase, polo menos, un tribunal formado por tres profesores para cada un dos seguintes ámbitos: MAT (Matemáticas), MEC (Mecánica), ENE (Enerxía), QUI (Química), TEL (Telecomunicación), OI (Organización industrial), GEO (Geomática) e NAV (Enxeñaría naval e oceánica).

A avaliación realizarase conforme á normativa para a realización do Traballo de Fin de Grao así como á rúbrica de avaliación, ambas as aprobadas pola Xunta de Centro, cuxos contidos actualizados se poden consultar na web do CUD, no apartado dedicado ao TFG (Sección Alumnado -> Traballos Fin de Grao).

COMPROMISO ÉTICO : Espérase que os alumnos teñan un comportamento ético adecuado. Se se detecta un tipo de comportamento pouco ético (copia, plaxio ou outros), penalizarase ao alumno de modo que nesa convocatoria obterá unha cualificación en acta de 0.0.

En caso de outorgar unha cualificación final de suspenso, o tribunal de avaliación achegará un informe coas recomendacións oportunas ao estudante e aos directores para a mellora do traballo na súa posterior avaliación.