A avaliación final de alumno atenderá á suma da puntuación outorgada a cada unha das partes antes comentadas, sendo a súa Nota de Avaliación Continua final (NEC): NEC = 0,6 * NOTA TEORÍA + 0,3 * NOTA PROXECTO + 0,1 * NOTA INFORME Ademais de alcanzar unha cualificación final de polo menos 5 puntos sobre 10 (NEC ≥ 5), para superar a materia por avaliación continua esixiranse uns requisitos mínimos, que garantan o equilibrio entre todos os tipos de competencias. Tales requisitos son os que seguen: - Obter unha nota de polo menos 4 puntos sobre 10 na proba final de avaliación continua ( PF).
En caso de non superar a materia por avaliación continua, o alumnado deberá presentarse ao exame ordinario de primeira convocatoria. Así mesmo, no suposto particular de non cumprirse os requisitos mínimos establecidos, a cualificación da avaliación continua calcularase como: NEC FINAL = min (4, NEC). Doutra banda, o alumnado que supere a materia por avaliación continua poderá acudir ao exame ordinario de primeira convocatoria para mellorar a súa cualificación. Tanto no exame ordinario de primeira convocatoria como no extraordinario (segunda convocatoria), avaliaranse todas as competencias da materia, incluíndo as referentes ás sesións teóricas, prácticas, seminarios e á realización do proxecto en grupo. A detección de fraude académico durante o transcurso da avaliación continua suporá automaticamente a imposibilidade de superar a materia mediante a devandita modalidade e suporá unha cualificación de 0 puntos na mesma. A detección de fraude académico, tanto en convocatoria ordinaria como extraordinaria, suporá automaticamente unha cualificación de 0 puntos na devandita convocatoria. |