| Lección maxistral |
Sesión maxistral. Cada unidade temática será presentada polo profesor, complementada cos comentarios dos estudantes con base na bibliografía asignada ou outra pertinente. Nestas sesións, explicaranse detalladamente os contidos teóricos básicos do programa, expondo exemplos aclaratorios cos que profundar na comprensión da materia.
Utilizaranse presentacións informáticas e o encerado, sobre todo para transmitir información como definicións, gráficos e etc. Na medida do posible, proporcionarase copia das transparencias aos alumnos con anterioridade á exposición, centrando o esforzo do profesor e do alumnado na exposición e comprensión dos coñecementos. De todos os xeitos, as reproducións en papel das transparencias nunca deben ser consideradas como substitutos dos textos ou apuntamentos, senón como material complementario. |
| Prácticas de laboratorio |
Proporase un proxecto de realización en grupo que abarcará os coñecementos e a duración total do curso. Para a realización do mesmo empregarase a metodoloxía de aprendizaxe baseada en proxectos. Proporcionarase tanto o material como os medios necesarios para a realización do traballo. Finalmente levará a cabo unha exposición pública do proxecto. |
| Prácticas con apoio das TIC |
Exporanse exercicios que se resolverán de maneira individual ou grupal. Mediante esta metodoloxía e por medio do adecuado software de xestión de proxectos, levarán a cabo de maneira paulatina diversas actividades en grupo, cuxo resultado final suporá, en conxunto, o proceso de planificación correspondente a un proxecto construtivo abarcando todas as súas etapas. |
