=== MEDIDAS EXCEPCIONAIS PLANIFICADAS ===
Ante a incerta e imprevisible evolución da alerta sanitaria provocada polo COVID-19, a Universidade de Vigo establece unha planificación extraordinaria que se activará no momento en que as administracións e a propia institución determíneno atendendo a criterios de seguridade, saúde e responsabilidade, e garantindo a docencia nun escenario non presencial ou parcialmente presencial. Estas medidas xa planificadas garanten, no momento que sexa preceptivo, o desenvolvemento da docencia dun modo máis áxil e eficaz ao ser coñecido de antemán (ou cunha ampla antelación) polo alumnado e o profesorado a través da ferramenta normalizada e institucionalizada das guías docentes.
=== ADAPTACIÓN DAS METODOLOXÍAS ===
* Metodoloxías docentes que se manteñen
- Sesión maxistral.
- Resolución de problemas e/ou exercicios.
- Prácticas de laboratorio.
- Traballo tutelado.
* Metodoloxías docentes que se engaden:
- Sesión maxistral e/ou sesión práctica virtual síncrona. Impártese a través dunha plataforma de videoconferencia web. Cada aula virtual contén diversos paneis de visualización e compoñentes, cuxo deseño se pode personalizar para que se adapte mellor ás necesidades da clase. Na aula virtual, os profesores (e aqueles participantes autorizados) poden compartir a pantalla ou arquivos do seu equipo, empregar unha lousa, chatear, transmitir audio e vídeo ou participar en actividades en liña interactivas (enquisas, preguntas, etc.).
* Mecanismo non presencial de atención ao alumnado (tutorías)
Os profesores da materia atenderán as dúbidas e consultas dos alumnos de forma síncrona en despachos físicos ou virtuais baixo a modalidade de concertación previa ou asíncrona por medios telemáticos (correo electrónico, foros de FAITIC, etc.).
* Modificacións (si proceden) dos contidos a impartir
Neste apartado proponse a substitución das prácticas descritas no apartado 6 polas seguintes:
- Práctica 1: Metrotecnia
Medición directa e indirecta. Estudo dos diversos instrumentos de medida dispoñibles no laboratorio, baseándose en esquemas e vídeos.
- Práctica 2: Fabricación con máquinas ferramentas convencionais.
Estudo de diversos tipos de torno, incluíndo máquinas de control numérico. Exemplos de procesos de mecanizado, baseándose en esquemas e vídeos.
- Práctica 7: Soldadura.
Coñecemento de diferentes equipos de soldadura eléctrica. Soldeo de diferentes materiais empregando diferentes técnicas, baseándose en esquemas e vídeos.
=== ADAPTACIÓN DA AVALIACIÓN ===
Nun escenario de docencia virtual, as probas de avaliación realizaranse combinando a plataforma de teledocencia FAITIC-Moodle e o Campus Remoto da Universidade de Vigo. |
