=== MEDIDAS EXCEPCIONAIS PLANIFICADAS ===
Ante a incerta e imprevisible evolución da alerta sanitaria provocada polo COVID-19, a Universidade de Vigo establece unha planificación extraordinaria que se activará no momento en que as administracións e a propia institución determíneno atendendo a criterios de seguridade, saúde e responsabilidade, e garantindo a docencia nun escenario non presencial ou parcialmente presencial. Estas medidas xa planificadas garanten, no momento que sexa preceptivo, o desenvolvemento da docencia dun modo máis áxil e eficaz ao ser coñecido de antemán (ou cunha ampla antelación) polo alumnado e o profesorado a través da ferramenta normalizada e institucionalizada das guías docentes.
=== MODIFICACIÓNS EN CASO DE DOCENCIA VIRTUAL ===
CONTIDOS
Debido ao carácter experimental das prácticas da materia ( PL2, PL3, PL4, PL5, PL6 e PL7), a maioría das sesións de prácticas de Ciencia e Tecnoloxía dos Materiais son realizadas, en parte, en laboratorios polos propios alumnos empregando equipos específicos e reactivos dificilmente accesibles para o alumnado. Co obxecto de que o alumno poida adquirir a maioría dos coñecementos e as competencias necesarias para superar esta parte da materia, propoñerase ao alumno o emprego de vídeos demostrativos apoiados de aulas virtuais, onde o profesor poderá explicar minuciosamente os procesos que o alumno realizaría no caso presencial. Ademais, un gran número destas prácticas ( PL2, PL3, PL6, PL7) requiren unha parte de traballo nas sesións de práctica non experimental, que o alumno pode realizar sen estar de forma presencial no laboratorio. O profesor facilitará a parte experimental para que o alumno poida completar as prácticas adecuadamente.
METODOLOXÍA DOCENTE
Engádese unha nova metodoloxía docente:
Sesión maxistral e/ou sesión práctica virtual síncrona: Impártese a través dunha plataforma de videoconferencia web. Cada aula virtual contén diversos paneis de visualización e compoñentes, cuxo deseño se pode personalizar para que se adapte mellor ás necesidades da clase. Na aula virtual, os profesores (e aqueles participantes autorizados) poden compartir a pantalla ou arquivos do seu equipo, empregar unha lousa, chatear, transmitir audio e vídeo ou participar en actividades en liña interactivas (enquisas, preguntas, etc.)
AVALIACIÓN
As probas de avaliación realizaranse combinando a plataforma de teledocencia FAITIC-Moodle e o Campus Remoto da Universidade de Vigo.
|
