Guia docente 2012_13 E.U. de Enfermaría (Pontevedra)

A1

Coñecer e identificar a estrutura e función do corpo humano. Comprender as bases moleculares e fisiolóxicas das células e os tecidos.

A2

Coñecer o uso e a indicación de produtos sanitarios vinculados aos coidados de enfermaría.

A3

Coñecer os diferentes grupos de fármacos, os principios da súa autorización, uso e indicación, e os mecanismos de acción dos mesmos.

A4

Utilización dos medicamentos, avaliando os beneficios esperados e os riscos asociados e/ou efectos derivados da súa administración e consumo.

A5

Coñecer e valorar as necesidades nutricionais das persoas sas e con problemas de saúde ao longo do ciclo vital, para promover e reforzar pautas de conduta alimentar saudable.

A6

Identificar os nutrientes e os alimentos en que se atopan.

A7

Identificar os problemas nutricionais máis habituais e seleccionar as recomendacións dietéticas adecuadas.

A8

Aplicar as tecnoloxías e sistemas de información e comunicación dos coidados de saúde.

A9

Coñecer os procesos fisiopatolóxicos e as súas manifestacións e os factores de risco que determinan os estados de saúde e enfermidade nas diferentes etapas do ciclo vital.

A10

Identificar as respostas psicosociais das persoas ante as diferentes situacións de saúde (en particular, a enfermidade e o sufrimento), seleccionando as accións adecuadas para proporcionar axuda nas mesmas.

A11

Establecer unha relación empática e respectuosa co paciente e familia, acorde coa situación da persoa, problema de saúde e etapa de desenvolvemento.

A12

Utilizar estratexias e habilidades que permitan unha comunicación efectiva con pacientes, familias e grupos sociais, así como a expresión das súas preocupacións e intereses.

A13

Recoñecer as situacións de risco vital e saber executar manobras de soporte vital básico e avanzado.

A14

Coñecer e identificar os problemas psicolóxicos e físicos derivados da violencia de xénero para capacitar a/o estudante na prevención, a detección precoz, a asistencia, e a rehabilitación das vítimas desta forma de violencia.

A15

Identificar, integrar e relacionar o concepto de saúde e os coidados, desde unha perspectiva histórica, para comprender a evolución do coidado de enfermaría.

A16

Comprender desde unha perspectiva ontolóxica e epistemolóxica, a evolución dos conceptos centrais que configuran a disciplina de enfermaría, así como os modelos teóricos máis relevantes, aplicando a metodoloxía científica no proceso de coidar e desenvolvendo os plans de coidados correspondentes.

A17

Aplicar o proceso de enfermaría para proporcionar e garantir o benestar a calidade e seguridade das persoas atendidas.

A18

Coñecer e aplicar os principios que sustentan os coidados integrais de enfermaría.

A19

Dirixir, avaliar e prestar os coidados integrais de enfermaría, ao individuo, a familia e a comunidade.

A20

Capacidade para describir os fundamentos do nivel primario de saúde e as actividades a desenvolver para proporcionar un coidado integral de enfermaría ao individuo, a familia e a comunidade.

A21

Comprender a función e actividades e actitude cooperativa que o profesional deberá desenvolver nun equipo de Atención Primaria de Saúde.

A22

Promover a participación das persoas, familia e grupos no seu proceso de saúde-enfermidade.

A23

Identificar os factores relacionados coa saúde e os problemas do entorno, para atender as persoas en situacións de saúde e enfermidade como integrantes dunha comunidade.

A24

Identificar e analizar a influencia de factores internos e externos no nivel de saúde de individuos e grupos.

A25

Aplicar os métodos e procedementos necesarios no seu ámbito para identificar os problemas de saúde máis relevantes nunha comunidade.

A26

Analizar os datos estatísticos referidos a estudos da poboación, identificando as posibles causas de problemas de saúde.

A27

Educar, facilitar e apoiar a saúde e o benestar dos membros da comunidade, cuxas vidas están afectadas por problemas de saúde, risco, sufrimento, enfermidade, incapacidade ou morte.

A28

Coñecer as alteracións de saúde do adulto, identificando as manifestacións que aparecen nas súas distintas fases.

A29

Identificar as necesidades de coidado derivadas dos problemas de saúde.

A30

Analizar os datos recollidos na valoración, priorizar os problemas do paciente adulto, establecer e executar o plan de coidados e realizar a súa avaliación.

A31

Realizar as técnicas e procedementos de coidados de enfermaría, establecendo unha relación terapéutica cos enfermos e familiares.

A32

Seleccionar as intervencións encamiñadas a tratar ou previr os problemas derivados das desviacións de saúde.

A33

Ter unha actitude cooperativa cos diferentes membros do equipo.

A34

Identificar as características das mulleres nas diferentes etapas do ciclo reprodutivo e no climaterio e nas alteracións que se poden presentar proporcionando os coidados necesarios en cada etapa.

A35

Aplicar coidados xerais durante o proceso de maternidade para facilitar a adaptación das mulleres e os neonatos ás novas demandas e previr complicacións.

A36

Coñecer os aspectos específicos dos coidados do neonato. Identificar as características das diferentes etapas da infancia e adolescencia e os factores que condicionan o patrón normal de crecemento e desenvolvemento.

A37

Coñecer os problemas de saúde máis frecuentes na infancia e identificar as súas manifestacións. Analizar os datos de valoración do neno, identificando os problemas de enfermaría e as complicacións que poden presentarse.

A38

Aplicar as técnicas que integran o coidado de enfermaría, establecendo unha relación terapéutica cos nenos e os seus coidadores.

A39

Seleccionar as intervencións dirixidas ao neno san e ao enfermo, así como as derivadas dos métodos de diagnóstico e tratamento.

A40

Ser capaz de proporcionar educación para a saúde aos pais ou coidadores primarios.

A41

Comprender os cambios asociados ao proceso de envellecemento e a súa repercusión na saúde.

A42

Identificar as modificacións estruturais, funcionais, psicolóxicas e de formas de vida asociadas ao proceso de envellecemento.

A43

Coñecer os problemas de saúde máis frecuentes nos anciáns

A44

Seleccionar as intervencións coidadoras dirixidas a tratar ou a previr os problemas de saúde e a súa adaptación á vida diaria mediante recursos de proximidade e apoio á persoa anciá.

A45

Coñecer o Sistema Sanitario Español.

A46

Identificar as características da función directiva dos servizos de enfermaría e a xestión de coidados.

A47

Coñecer e ser capaz de aplicar as técnicas de dirección de grupos.

A48

Coñecer a lexislación aplicable e o código ético e deontolóxico da enfermaría española, inspirado no código europeo de ética e deontoloxía de enfermaría.

A49

Prestar coidados, garantindo o dereito á dignidade, privacidade, intimidade, confidencialidade e capacidade de decisión do paciente e familia.

A50

Individualizar o coidado considerando a idade, o xénero, as diferenzas culturais, o grupo étnico, as crenzas e valores.

A51

Coñecer os problemas de saúde mental máis relevantes nas diferentes etapas do ciclo vital, proporcionando coidados integrais e eficaces, no ámbito da enfermaría.

A52

Coñecer os coidados paliativos e control da dor para prestar coidados que alivien a situación dos enfermos avanzados e terminais

A53

Capacidade para cuestionar, avaliar, interpretar e sintetizar criticamente un abano de información e fontes de datos que faciliten a elección do paciente.

A54

Coñecemento relevante de e capacidade para aplicar resolución de problemas e toma de decisións.

A55

Coñecemento relevante de e capacidade para aplicar principios de investigación e información.