Avaliación continua: Serán aplicados as porcentaxes e conceptos anteriores. O alumnado que siga a avaliación continua terá que entregar todos os traballos, exercicios e probas para ser avaliado nesta modalidade, así como cumprir coa asistencia obrigatoria. Para superar a materia será necesario obter unha media de 5 calculando as porcentaxes detalladas en cada un dos bloques de avaliación. Imprescindible ter un 4 como nota mínima en cada un dos bloques para que se proceda a calcular a nota media.

Avaliación global: O estudantado que opte pola modalidade de avaliación global deberá comunicarllo por escrito á docencia da materia no prazo máximo dun mes dende o inicio do curso e suporá a anulación automática de todas as cualificacións obtidas polo método de avaliación continua.
Neste caso, a avaliación será da seguinte maneira:
- Resolución de problemas e/ou exercicios: o alumnado deberá resolver os diferentes exercicios plantexados ao longo do curso relacionados cos bloques temáticos. 60%
- Lección maxistral/ proba final de avaliación de coñecemento de contidos teóricos. 40%

Convocatoria Extraordinaria: Na convocatoria extraordinaria o alumnado deberá presentar e superar o mesmo número de traballos e segundo as mesmas características requiridas na metodoloxía global. Os exercicios deberán presentarse nun exame final, a desenvolverse durante o período oficial de exames.
Neste caso, a avaliación será da seguinte maneira:
- Resolución de todos os problemas e/ou exercicios e proxecto final do curso: 70%
- Proba final de avaliación de coñecemento de contidos teóricos. 30%

Datas de avaliación: Poden consultarse todas as datas das probas de avaliación aprobadas polo centro na dirección: https://deseno.uvigo.gal/horarios-calendarios-avaliacions-gd-gal/