Convocatoria ordinaria de xuño — Avaliación contínua Para poder ser avaliado mediante esta modalidade de avaliación continua o alumnado deberá cumprir coa asistencia obrigatoria, entregar todos os traballos, exercicios e probas correspondentes, así como presentarse ao exame desta convocatoria. Para superar a materia será necesario obter unha media mínima de 5 nas cualificacións. Esta media será calculada a partir das porcentaxes establecidas en cada un dos bloques de avaliación. Será imprescindible acadar unha cualificación mínima de 4 en cada bloque para que se poida calcular a nota media final. — Avaliación global O alumnado que opte pola modalidade de avaliación global deberá solicitalo no decanato e poñelo en coñecemento do profesor da materia no prazo máximo dun mes desde o inicio da docencia. Esta elección suporá a anulación automática de todas as cualificacións obtidas mediante o sistema de avaliación continua. Nesta modalidade de avaliación o alumnado renuncia á asistencia ás aulas e ao seguimente e corrección dos exercicios por parte do docente responsable da materia. O alumnado deberá de entregar todos os exercicios propostos no desenvolvemento da materia así como o Proxecto Final ao remate do curso. Tamén terá que facer, como o resto de alumnado, presentación do Proxecto Final e exame. As porcentaxes de cualificación por bloque serán as mesmas que na modalidade de avaliación contínua.
Convocatoria extraordinaria de xullo No caso de non superar a materia na convocatoria ordinaria o estudantado ten a opción de presentarse á convocatoria extraordinaria de xullo que consistirá na entrega de todos os traballos que teñan unha nota inferior ao 5, incluído o Proxecto Final. Tamén terá que facer a presentación do Proxecto Final e a proba-exame de preguntas obxectivas na data establecida. As ponderacións das cualificacións serán as mesmas que na convocatoria ordinaria.
Pódense consultar as datas de avaliación na páxina web da titulación: https://deseno.uvigo.gal/horarios-calendarios-avaliacions-gd-gal/ |
