A materia enfócase principalmente na creación, tratamento e manipulación de imaxes dixitais, tanto de mapa de bits como vectoriais, cunha orientación específica cara ao deseño gráfico e o deseño de moda.
Durante o curso, o alumnado familiarizarase cos procedementos informáticos máis utilizados no ámbito profesional do deseño para a elaboración e procesamiento de imaxes dixitais en 2D. A materia céntrase en dous programas: Photoshop e Illustrator. A través do uso destes softwares, traballarase no dominio da linguaxe técnica e a terminoloxía asociada a eles en relación ao deseño, exploraranse os diferentes formatos e características de arquivos de imaxes dixitais, e aprenderase a elixir os máis adecuados para o seu uso en diferentes medios.
Ao finalizar o curso, o alumnado estará preparado para abordar materias relacionadas co deseño gráfico e de moda, e será capaz de utilizar eficazmente as ferramentas e os coñecementos adquiridos.
