MEDIDAS EXCEPCIONAIS PLANIFICADAS
Ante a incerta e imprevisible evolución da alerta sanitaria provocada polo COVID-19, a Universidade de Vigo establece unha planificación extraordinaria que se activará no momento en que as administracións competentes e a propia institución o determinen, atendendo a criterios de seguridade, saúde e responsabilidade, e garantindo a docencia nun escenario non presencial ou parcialmente presencial. Estas medidas xa planificadas garanten, no momento que sexa preceptivo, o desenvolvemento da docencia dun modo máis áxil e eficaz ao ser coñecido de antemán (ou cunha ampla antelación) polo alumnado e o profesorado a través da ferramenta normalizada e institucionalizada das guías docentes.
ADAPTACIÓN DAS METODOLOXÍAS
Diante de eventuais alteracións derivadas da alerta sanitaria, as metodoloxías docentes serán adaptadas ás exixencias da plataforma de teledocencia e do Campus Remoto da Universidade de Vigo.
ADAPTACIÓN DA AVALIACIÓN
Diante de eventuais alteracións derivadas da alerta sanitaria, os criterios de avaliación resultan aplicables na versión actual.
|