A ciencia da administración é un enfoque de análise da realidade
administrativa e institucional que se integra dentro das ciencias da política ou ciencias políticas. Como subenfoque desta, oriéntase cara ao estudo das institucións administrativas como reguladoras
do conflito social, do que formarían parte o resto de actores das sociedades contemporáneas, como son o sector empresarial, o terceiro sector, os partidos
políticos e sindicatos etc. De aí a importancia de estudar desde a ciencia da administración o
conxunto das administracións públicas que operan nos sistemas político-administrativos de benestar, ao achegar luz sobre os sistemas de articulación administrativa do poder público, así como o persoal que nelas traballan, e as
políticas e programas que producen para o conxunto da sociedade.
Sen a competencia que achega a ciencia da administración, antóllase difícil coñecer o conxunto de obxectivos das organizacións públicas multinivel que
operan en Europa, España e Galicia, ademais das definicións de interese
xeral que realizan cada unha delas, tamén das súas normas de
comportamento (legais e alegais), e a lóxica de subordinación ao poder
político.
Entre os contidos básicos que recolle a materia, podemos encontrar nos seguintes módulos:
1. As administracións públicas contemporáneas como obxecto de estudo.
2. A introdución aos sistemas administrativos comparados.
3. A evolución das administracións públicas no medio multinivel e
intergobernamental: Unión Europea, España e Galicia.
