OBSERVACIÓNS XERAIS:

Esta materia divídese en dúas partes, de modo que cada unha delas terá un peso do 50% na nota final:

- A primeira parte comprende os temas 1-3 e impartirase na primeira metade do cuadrimestre.

- A segunda parte abrangue os temas 4-6 e impartirase na segunda metade do cuadrimestre.

Para aprobar esta materia na convocatoria de Maio-Xuño de 2016, terán que superarse de xeito independente cada unha das partes, segundo o baremo establecido para as cualificacións. Nese caso, se se superan ambas partes, a nota final será o promedio das mesmas.

Para a convocatoria de Xullo de 2016 e sucesivas, utilizaránse os mesmos criterios que para a convocatoria de Maio-Xuño de 2016.

METODOLOXÍA E AVALiACIÓN DA MODALIDADE SEMIPRESENCIAL

1. Ler con atención e en caso de dúbida consultar cos profesores responsables da materia: Pilar García
Soidán (pgarcia@uvigo.es)
e Xesús Lage
(xalp@uvigo.es)

2. Cadro básico de "metodoloxía" y "avaliación" da materia

NORMAS BÁSICAS DE SEMIPRESENCIALIDADE:

1. O alumnado matriculado na modalidade semipresencial comprométese co equipo docente a seguir un réxime de "avaliación continua semipresencial", que implica a participación presencial ou virtual nas actividades que o profesorado deseñe para a devandita modalidade.

2. A modalidade semipresencial supón a avaliación continua da aprendizaxe do alumnado. A tal fin establécese con carácter xeral, que a proba final terá lugar a última das 6 sesións de seguimento, ben de forma presencial (aula Facultade CCSSC), ben de forma virtual (Skype ou sistema similar Hangout).

3. O alumnado que non participe en máis do 80% das actividades de avaliación continua semipresencial propostas polo profesorado, terá que presentarse ao exame final da convocatoria oficial e só terá dereito á porcentaxe da nota correspondente ao exame (60%).