Alumnado presencial:

Para o alumnado que siga a avaliación continua, os
traballos serán obrigatorios e contará a asistencia a clase, que tamén será
obrigatoria (esíxese a asistencia regular a, polo menos, o 80% das sesións). Os
traballos entregaranse na aula e subiranse á plataforma (Faitic) segundo o
calendario que se estableza.

Para superar a materia será preciso que os e as estudantes
obteñan en cada proba ou actividades obxecto de avaliación como mínimo un 50%
da cualificación establecida para cada apartado. Aquel alumnado que non supere
algunha das probas ou actividades que son obxecto de avaliación poderá
recuperalas na convocatoria de xullo.

Alumnado non presencial:

No caso de que algunha alumna ou alumno non poida seguir
a avaliación continua e o traballo en grupo titorizado polos docentes,
realizará na primeira convocatoria e seguintes unha proba na que se avaliarán
as competencias básicas da materia, que incluirá contidos teóricos (60% da nota
final) e prácticos (40% da nota). Para superar a materia será preciso que o ou
a estudante obteña en cada unha das partes (teórica e práctica) o 50% da
cualificación establecida para cada parte.

               Todas as datas oficiais de exames
pódense consultar na WEB da Facultade de Ciencias da Educación e do Deporte, na
sección de organización académica ou no seguinte enlace:
http://fcced.uvigo.es/gl/docencia/exames