Para superar a materia, o alumnado deberá obter polo menos o 50% da súa nota total en todas e cada unha das partes avaliables. A cualificación final virá dada pola suma das puntuacións obtidas en cada unha das partes, sendo necesario aprobar cada unha delas de forma illada.

O alumnado que asista regularmente ás clases seguirá a metodoloxía de avaliación continua.

No caso do alumnado que non asista ás clases con regularidade, seguirá a metodoloxía de avaliación global e a primeira semana de clase deberá contactar co profesor responsable. Este alumnado deberá obter polo menos o 50% da súa nota total en todas e cada unha das partes avaliables. A cualificación final virá dada pola suma das puntuacións obtidas en cada unha das partes, sendo necesario aprobar cada unha delas de forma illada. Os traballos a avaliar na convocatoria ordinaria entregaranse nos mesmos prazos estipulados para o alumnado asistente a clase e anunciaranse coa mesma antelación a todos.

As datas oficiais dos exames pódense consultar na páxina web da facultade: http://fcced.uvigo.es/gl/docencia/exames