1º CONVOCATORIA (maio-xuño):

Estudantado de AVALIACIÓN CONTINUA (cualificacións e CRITERIOS DE AVALIACIÓN para cumprir a avaliación continua):

• Parte TEÓRICA (40% da nota final).
• Realización de exercicios
  interactivos en gran grupo durante algunhas clases teóricas a través da app Kahoot, onde se concederán
  puntos da nota final en función da cualificación en devandita
  actividade. Estes exercicios supoñen o 8%.  
• Cuestionarios
  interactivos en Moovi da PARTE TEÓRICA. A cualificación dos cuestionarios
  supón un 14%. Haberá 14 cuestionarios. Cada cuestionario débese aprobar cunha nota mínima dun
  8,5 sobre 10 para que se considere superado e compute na nota final. Tras realizar todos os cuestionarios, se o estudante ten 4 faltas ou máis (por non realización ou por non superar a nota mínima) deixará de ser avaliado polo procedemento de avaliación continua e automáticamente pasará a ser avaliado mediante o procedemento de avaliación NON continua.
• Traballo tutelado sobre Unidade Didáctica. A cualificación deste
  traballo supón un 5%. Consistirá en realizar un traballo en pequenos grupos
  relacionado coa didáctica das actividades de loita.
• Exame de preguntas
  obxectivas. A cualificación supón un 13%. Consiste nun exame de preguntas pechadas con diferentes alternativas de resposta da parte teórica da materia. O estudante deberá sacar un mínimo de 4 sobre 10 para que a puntuación do exame compute na cualificación final. Suspender este exame (con menos dun 4) non implica perder a avaliación continua.

• Parte PRÁCTICA (60% da nota final):
• Asistencia e REALIZACIÓN
  das clases prácticas no tatami. A cualificación das mesmas supón un
  25%. O estudante que teña 4 faltas ou máis deixará de ser avaliado polo
  procedemento de avaliación continua e automáticamente pasará a ser avaliado mediante o procedemento de avaliación NON continua. O estudante que asista á práctica, pero NON
  realice a práctica, non lle computará como unha falta de asistencia, pero si terá unha cualificación de cero en dita sesión.
• Cuestionarios interactivos
  en Moovi da PARTE PRÁCTICA. A cualificación dos cuestionarios
  supón un 10%. Haberá 14 cuestionarios. Cada cuestionario débese aprobar cunha nota mínima dun 8,5 sobre 10 para que se considere superado e compute na nota final. Tras realizar todos os cuestionarios, se o estudante ten 4 faltas ou máis (por non realización ou por non superar a nota mínima), a puntuación deste apartado será de 0 puntos.
• Traballo tutelado sobre as caídas. Consistirá en realizar un traballo individual sobre o proceso de ensino-aprendizaxe das caídas nas actividades de loita. A cualificación deste
  traballo será de APTO ou NON APTO. O estudante que obteña a cualificación de APTO seguirá no procedemento de avaliación continua. O estudante que obteña a cualificación de NON APTO automáticamente pasará ao procedemento de VALIACIÓN NON CONTINUA.    
• Exame de preguntas
  obxectivas. A cualificación supón un 10%. Consiste nun exame de preguntas pechadas con diferentes alternativas de resposta da parte práctica da materia. O estudante deberá sacar un mínimo de 4 sobre 10 para que a puntuación do exame compute na cualificación final. Suspender este exame (con menos dun 4) non implica perder a avaliación continua.
• Exame oral. A cualificación supón un 15%. Consiste nun exame sobre os aspectos procedimentais da materia que se desenvolverá no tatami. Cada estudante acudirá ao exame co judogi e cun uke (compañeiro ou compañeira). O estudante deberá sacar un mínimo de 4 sobre 10 para que a puntuación do exame compute na cualificación final. Suspender este exame non implica perder a avaliación continua.

• A cualificación global da materia obterase realizando a suma de ambas as partes (teórica e práctica). Un estudante supera a materia cando obteña un mínimo de cinco
  sobre dez. 


Se na primeira convocatoria (maio-xuño), un estudante perde a avaliación continua nunha das partes, deberá presentarse mediante o procedemento de avaliación non continua nesa parte da materia.

Estudantado de AVALIACIÓN NON CONTINUA (para o estudantado que non cumpre os criterios da avaliación continua):

• Parte TEÓRICA. A avaliación se realizarase mediante unha
  proba final correspondente aos temas impartidos durante o curso: exame
  de preguntas pechadas con diferentes alternativas de resposta. O estudantado terá que obter un cinco sobre
  dez no exame. Esta cualificación supoñerá o 40% da cualificación global.

• Parte PRÁCTICA. A avaliación efectuarase mediante DÚAS
  probas prácticas finais. 1) exame de preguntas pechadas con diferentes alternativas de resposta sobre os
  contidos prácticos (supón o 30%). 2) exame teórico-práctico oral e
  no tatami cun compañeiro/a, correspondente aos temas impartidos durante
  o curso (supón o 30%). O estudantado terá que obter un cinco
  sobre dez en ambas probas. Cumprida esta condición, a cualificación global da
  parte práctica supoñerá o 60% da cualificación global.

• A cualificación final da materia obterase realizando a suma de ambas partes (teórica e práctica). Un estudante supera a materia cando obteña un minimo de cinco sobre dez coa condición de que supere as dúas partes.