| Proxectos |
O sistema de avaliación será continuo e rexerase en base aos seguintes criterios:
1.1. Criterios xerais de avaliación:
• O interese artístico dos exercicios e do proxecto final. O alumno terá a opción de establecer un debate dentro do grupo da clase en defensa da valoración do seu traballo. En caso contrario, o profesor valorará este aspecto unilateralmente.
• Cumprimento dos obxectivos propostos e capacidade de culminación do traballo
• Avaliación e progresión no proceso de aprendizaxe
• A calidade, orixinalidade, creatividade e o grao de desenvolvemento das entregas e do proxecto proposto.
• A capacidade investigadora do alumno
• A capacidade de experimentación do alumno.
• A metodoloxía, planificación e coherencia do traballo ao largo do curso.
• O traballo de reflexión e estudo previo ao proceso de elaboración de cada proxecto.
• A ampliación dos coñecementos impartidos na clase.
• Capacidade de análise e de interrelación entre los diferentes contidos da materia en relación á confluencia no proxecto global final.
• Uso correcto da terminoloxía teórico-práctica.
• O grao de asistencia a clase e a actitude positiva / activa no seu transcurso. A participación na dinámica da clase, tanto nas tarefas de organización (limpeza, adquisición e bo uso de materiais colectivos, etc.) como noutras posibles colaboracións co grupo de clase.
• A comprensión e utilización correcta dos procesos técnicos e a adecuación á linguaxe propia do procedemento que se utilice, é dicir, que a concepción da imaxe ou exercicio se leve a cabo desde unha comprensión en profundidade das posibilidades expresivas propias do procedemento que se empregue. Correlación entre as súas formulacións ideo-estéticas e a súa solución técnico-formal
1.2. Criterios específicos de avaliación.
A. Exercicios prácticos.
1.1. Deseño: asistencia a clase continua, esforzo, interese, calidade artística e conceptual. Participación en clase, exercicios, coloquios, exposicións orais, correccións. Proceso de investigación e desenvolvemento: anteproxecto (medios manuais: bosquexos, análise, comentarios);fases do proxecto (idea, aplicación/materialización da idea, aplicación informática, produción a escala, produción final); coherencia do traballo, boa presentación e entrega.
1.2. Retícula. A aplicación dos conceptos impartidos en clases e a súa posta en práctica: composición, deseño con retícula, correcto uso de tipografía en bloques, lexibilidade aplicada ao proxecto creativo. A páxina e a maqueta: tamaños, marxes, xerarquía, columna,… Comprensión e correcta distribución e uso das partes dun libro. Dominio do programa InDesign.
1.3. Ilustración. Peso conceptual das ilustracións realizadas, correcta elección da técnica e dos medios empregados. Execución, desenvolvemento do proceso de ilustración (bosquexos a arte final) e adecuada presentación.
1.4. Fotografía. Uso correcto e creativo de imaxes fotográficas aplicadas ao deseño editorial. Resolucións e pixelado.
1.5. Gráfica. A adecuación da técnica á imaxe proposta dentro do proxecto global do libro de artista. Valorarase a complexidade técnica da estampaxe e a correcta utilización dos procesos técnicos (axustes de rexistros, superposicións de tintas, axuste da fluidez-viscosidade das tintas, presentación adecuada, limpeza, etc.)
B. Proxecto persoal global (libro de artista).
2.1. Proxecto teórico conceptual e memoria xustificativa escrita.
• A ampliación dos coñecementos impartidos na clase.
• Comprensión en profundidade dos conceptos explicados e consecuente claridade na súa expresión.
• Capacidade de análise e de relación entre diferentes contidos.
• Uso correcto da terminoloxía e das citas.
• Orixinalidade e rigor na presentación do tema.
• A bibliografía e fontes consultadas.
2.2. O libro obxecto como proxecto.
• A orixinalidade e creatividade na presentación do proxecto.
• O contido teórico, formal e procesual do libro.
• O aspecto e a presentación: selección de imaxes, textos, materiais (papeis), cor, composición lineal e transversal, individual e global, secuenciación, etc.
• O tipo e modo de encadernación. A presentación.
|
70% |
| Seminarios |
Asistencia aos seminarios propostos, asimilación de contidos e entrega de informe. |
2,5% |
| Probas de tipo test |
Os estudantes realizan unha proba de avaliación escrita, onde se determina o grao de asimilación dos contidos impartidos. |
5% |
