Guia docente 2023_24 Facultade de Relacións Internacionais

Metodoloxía docente

	Descrición
Actividades introdutorias	Na primeira sesión de clase explicarase o programa docente, a bibliografía e ferramentas de información e comunicación e o sistema de avaliación. Proporcionarase toda a información necesaria para seguir adecuadamente o curso e superar a materia.
Lección maxistral	Exposición por parte do profesor dos contidos sobre a materia obxecto de estudo, bases teóricas e/ou directrices dun traballo, exercicio ou proxecto a desenvolver polo estudante.
Traballo tutelado	As clases de idioma non distinguen nunca de modo estrito entre sesións teóricas e sesións prácticas; no entanto, durante as sesións teóricas incidirase máis na explicación gramatical do idioma e traballarase na aula cos alumnos para practicar dita parte gramatical, mentres nas sesións prácticas incidirase na práctica oral, a adquisición de vocabulario e os temas culturais. Todo iso implica traballo realizado na aula baixo diversas formas.
Resolución de problemas	Actividade na que se formulan problemas e/ou exercicios relacionados coa materia. O alumno debe desenvolver as solucións adecuadas ou correctas mediante a exercitación de rutinas, a aplicación de fórmulas ou regras, a aplicación de procedementos de transformación da información dispoñible e a interpretación dos resultados. Adóitase empregar como complemento da lección maxistral.